Geri

FHN Şimal Regional Mərkəzi ilə Dövlət Sərhəd Xidmətinin Sahil Mühafizəsinin Şimal şöbəsi məşğələlər keçirmişdir

Fövqəladə Hallar Nazirliyinin Şimal Regional Mərkəzi ilə Dövlət Sərhəd Xidmətinin Sahil Mühafizəsinin Şimal şöbəsi arasında fövqəladə halların qarşısının alınması və nəticələrin aradan qaldırılması sahəsində 20 iyun 2013-cü il tarixində Xaçmaz şəhərində yerləşən Dövlət Sərhəd Xidmətinin Sahil Mühafizəsinin Şimal şöbəsində tədbir keçirilmişdir.

Tədbirə Şimal Regional Mərkəzinin şəxsi heyəti ilə yanaşı Şimal Regional Dövlət Yanğın Nəzarəti İdarəsinin, Xaçmaz Rayon Dövlət Yanğından Mühafizə Hissəsinin, Xaçmaz Rayon Mərkəzi Xəstəxanasının Təcili Tibbi Yardım Stansiyasının qüvvə və vasitələri cəlb edilmişdir.

Tədbir iştirakçılarına Mərkəzin əməkdaşları tərəfindən fövqəladə hal anlayışı, təbii və texnogen mənşəli fövqəladə hallardan qorunma qaydaları, yanğın, yanğın təhlükəsizliyi, partlayış, zəhərlənmə təhlükəsindən necə mühafizə olunmalı, dəm qazından zəhərlənmənin profilaktikası, “112” zəng xidmətindən istifadə mövzularında ətraflı məlumatlar verilmişdir.

Tədbirin praktiki hissəsində Dövlət Sərhəd Xidmətinin Sahil Mühafizəsinin Şimal şöbəsinin məşğələlərə cəlb edilmiş şəxsi heyəti Xaçmaz Rayon Dövlət Yanğından Mühafizə Hissəsinin və Şimal Regional Dövlət Yanğın Nəzarəti İdarəsinin əməkdaşları tərəfindən yanğından mühafizə qaydaları üzrə təlimatlandırılmış, onlara yanğın zamanı hərəkət qaydaları, yanğının söndürülməsi zamanı istifadə olunan müasir yanğınsöndürmə vasitələri, Mərkəzin Xüsusi xilasetmə hissəsinin xilasediciləri tərəfindən xilasetmə alət və avadanlıqları, Xaçmaz Rayon Mərkəzi Xəstəxanasının Təcili Tibbi Yardım Stansiyasının əməkdaşları tərəfindən isə ilkin tibbi yardımın necə göstərilməsi nümayiş olunmuşdur.

Şəxsi heyət qəza-xilasetmə və digər təxirəsalınmaz işlərin aparılması üzrə zəruri məlumatlarla tanış edildikdən sonra onlar tərəfindən ünvanlanmış suallar ətraflı cavablandırılmışdır.

 

 

Digər məlumatlar

FHN-in Gəncə Regional Mərkəzi maarifləndirmə tədbiri keçirib

Fövqəladə Hallar Nazirliyinin Gəncə Regional Mərkəzi 20 avqust 2019-cu il tarixində Gəncə şəhəri 15 nömrəli körpələr evi-uşaq bağçasının kollektivi ilə  “Fövqəladə hallarla bağlı davranış qaydaları” mövzusunda maarifləndirmə tədbiri təşkil edib. ...

Ardını oxu

FHN Şimal-qərb Regional Mərkəzi “dəyirmi masa” təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən 20 avqust 2019-cu il tarixində Qəbələ rayonunda fəaliyyət göstərən “Qəbələ” qəzeti redaksiyasında “Fövqəladə hallarla bağlı davranış qaydaları” mövzusunda “dəyirmi masa” keçirilib. Tədbirdə Qəbələ Rayon İcra Hakimiyyətinin və “Qəbələ” qəzetinin əməkdaşları iştirak ediblər. ...

Ardını oxu

Maarifləndirmə tədbirləri davam etdirilir

FHN-in Dövlət Yanğın Nəzarəti Xidmətinin Şimal-Qərb regional Dövlət Yanğın Nəzarəti İdarəsi 19 avqust  2019-cu il tarixində Şamaxı rayon Mərkəzi Xəstəxanasında, Muğan regional Dövlət Yanğın Nəzarəti İdarəsi......

Ardını oxu