Geri

FHN Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyi Muğan Regional Mərkəzinin əməkdaşları 22 may 2013-cü il tarixində Biləsuvar Rayon Mədəniyyət mərkəzində dənli və texniki bitkilərin yığılması, daşınması və emalı dövründə, eləcə də meşə zolaqlarında, milli parklarda və dövlət qoruqlarında yanğın təhlükəsizliyinin etibarlı təmin edilməsi mövzusunda maarifləndirmə tədbiri keçirmişdir. Tədbirdə Muğan Regional Mərkəzinin əməkdaşları, yerli bələdiyyə, icra nümayəndələri və iri təsərrüfat sahibləri iştirak etmişlər.

Muğan Regional Mərkəzinin əməkdaşı meşə təsərrüfatı, meşələrin təbiətdə rolu, meşələrin qırılması nəticəsində baş verə biləcək fövqəladə hallar və son dövrlərdə dünyanın qlobal problemi olan təbii və antropogen təsir nəticəsində yaranan meşə yanğınları, onların baş verməsi səbəbləri və yanğın zamanı görüləcək ilkin davranış qaydaları və gələcəkdə belə yanğınların qarşısının alınması üçün hər bir vətəndaşın ətraf mühitlə davranış qaydaları haqqında məlumat vermişdir. Həmçinin, taxıl yığımı zamanı və yığımdan əvvəl görüləcək yanğın təhlükəsizliyi tədbirləri haqqında geniş məlumat verilmişdir. Tədbir iştirakçılarına son dövrlərdə dünyada və Azərbaycanda baş vermiş yanğınlar və onların baş vermə səbəbləri haqqında ümumiləşdirici məlumat verildikdən sonra yüksək gərginlikli elektrik hava xətlərinin mühafizə zonalarında və ətraf sahələrdə yanğına qarşı qabaqlayıcı tədbirlər barədə ətraflı çıxışlar edilmişdir.

Tədbirin sonunda iştirakçıların sualları cavablandırılmışdır.

Digər məlumatlar

Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib

16 oktyabr 2019-cu il tarixində Fövqəladə Hallar Nazirliyində Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib. ...

Ardını oxu

FHN-in Regional Mərkəzlərində maarifləndirmə tədbirləri keçirilib

Fövqəladə Hallar Nazirliyinin Gəncə Regional Mərkəzi Qazax rayonu H. Qaratel adına ümumi orta məktəbində, Şimal-qərb Regional Mərkəzi Zaqatala Dövlət İdarəetmə və Texnologiya Kollecində, Sumqayıt Regional Mərkəzi Abşeron rayonu Güzdək qəsəbə tam orta məktəbində  “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi  16 oktyabr 2019-cu il tarixində Gəncə şəhər 2 saylı tam orta məktəbdə, Göygöl şəhər 3 saylı tam orta məktəbdə, İctimai obyektlərə nəzarət sektoru Xaçmaz ...

Ardını oxu