Geri

FHN Cənub Regional Mərkəzində Xocalı qurbanlarının xatirəsi yad edilib

2013-cü il fevralın 26-da Fövqəladə Hallar Nazirliyi Cənub Regional Mərkəzində Xocalı soyqırımının 21-ci ildönümü münasibətilə toplantı keçirilmişdir. Tədbirdə Cənub Regional Mərkəzinin şəxsi heyəti ilə yanaşı, FHN Dövlət Yanğın Nəzarəti Xidmətinin Cənub Regional Dövlət Yanğın Nəzarəti İdarəsinin, Mülki müdafiə qoşunlarının Lənkəran Regional Fövqəladə hallar və mülki müdafiə şöbəsinin və Dövlət Yanğından Mühafizə Xidmətinin Lənkəran rayon Dövlət Yanğından Mühafizə hissəsinin nümayəndələri iştirak etmişlər.

Əvvəlcə, Mərkəzin əməkdaşları digər idarə və müəssisələrin rəsmiləri, ictimaiyyətin nümayəndələri ilə birgə Xocalı soyqırımı qurbanlarının xatirəsinə ucaldılmış abidənin önünə gələrək gül dəstələri qoymuş, faciə qurbanlarının xatirəsini dərin hüznlə yad etmişlər.

Xocalı soyqırımı nəticəsində şəhid olanlar bir dəqiqəlik sükutla yad edilmişlər.

Sonra Xocalı soyqırımının 21-ci ildönümünə həsr olunmuş tədbirdə 1992-ci il fevralın 25-dən 26-na keçən gecə erməni faşistləri tərəfindən xüsusi vəhşiliklə törədilmiş Xocalı soyqırımı haqqında tədbir iştirakçılarına ətraflı məlumat verilmiş, XX əsrin ən qəddar və dəhşətli hadisələrindən biri olan bu faciənin erməni təcavüzkarlarının Azərbaycan xalqına qarşı yürütdüyü etnik təmizləmə və soyqırımı siyasətinin bir hissəsi olduğu qeyd edilmişdir.

Xocalıda törədilən soyqırıma bugünədək beynəlxalq ictimaiyyət tərəfindən lazımi qiymət verilmədiyi bildirilmiş, ermənilər tərəfindən dövlət səviyyəsində yürüdülən terror siyasətindən nəticə çıxararaq, həqiqətlərin dünya ictimaiyyətinə çatdırılması istiqamətində əməli işlər görülməsinin vacibliyi vurğulanmışdır.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu