Geri

Dövlət Yanğın Nəzarəti Xidməti Ağcabədi şəhərində regional seminar-müşavirə keçirmişdir.

Ticarət müəssisələrində yanğın təhlükəsizliyi qaydalarının tələblərinin pozulmasının qarşısını almaq, bu sahənin işçilərini yanğın təhlükəsizliyi istiqamətində maarifləndirmək məqsədilə Fövqəladə Hallar Nazirliyinin Dövlət Yanğın Nəzarəti Xidməti 26 dekabr 2013-cü il tarixində Аğcabədi şəhərində regional seminar-müşavirə keçirmişdir.

Seminar-müşavirədə Qarabağ bölgəsində fəaliyyət göstərən ticarət müəssisələrinin yanğın təhlükəsizliyinin vəziyyəti müzakirə olunmuş, yanğın təhlükəsizliyi qaydalarının tələblərinə zidd halların qısa müddətdə aradan qaldırılması üçün tapşırıqlar verilmişdir.

Qarabağ bölgəsində fəaliyyət göstərən ticarət müəssisələrinin, anbar və bazaların nümayəndələrinin iştirak etdiyi seminar-müşavirədə obyekt rəhbərlərinə yanğın təhlükəsizliyinin təmin olunmasına şəxsən məsuliyyət daşımaları diqqətlərinə çatdırılmışdır. Müşavirədə ticarət müəssisələrinin bütün işçilərinin yanğın təhlükəsizliyi qaydalarını dəqiq bilmələri və ciddi yerinə yetirmələri xüsusi olaraq vurğulanmışdır.

Seminar-müşavirədə ticarət müəssisələrində ərazinin, bina və otaqların saxlanılması və elektrik, havadəyişmə, isitmə, tüstüyə qarşı qurğuların istismar zamanı yanğın təhlükəsizliyi qaydalarının tələbləri, yanğın zamanı zəruri hərəkətlər və insanların təhlükəsizliyinin təmin edilməsi, yanğın texnikasının və rabitə vasitələrinin saxlanılması, ticarət müəssisələri, o cümlədən baza və anbarlarda ilkin yanğınsöndürmə vasitələrinin normaları haqda ətraflı söhbət açılmış, müvafiq maarifləndirmə işləri aparılmışdır.

Müşavirədə ticarət müəssisələrində yanğına qarşı su təchizatının vacibliyinə toxunularaq bildirilmişdir ki, su təchizatı ilə əlaqədar müvafiq normativ sənədlərin bütün tələblərinə ciddi əməl olunmalıdır.

Seminar-müşavirədə ticarət müəssisələrində yanğın təhlükəsizliyi qaydalarını təbliğ edən «Ticarət müəssisələrində yanğın təhlükəsizliyi» adlı video-stend nümayiş etdirilmiş, həmçinin, Dövlət Yanğın Nəzarəti Xidməti tərəfindən hazırlanmış eyni adlı yaddaş kitabçası metodik vəsait kimi yerlərdə yanğına qarşı təbliğat xarakterli işlərdə istifadə olunması üçün ticarət müəssisələrinin nümayəndələrinə çatdırılmışdır.

Digər məlumatlar

FHN-in Akademiyasında xalq yazıçısı Anarla görüş keçirilib

11 oktyabr 2019-cu il tarixində Fövqəladə Hallar Nazirliyinin Akademiyasında Azərbaycan Yazıçılar Birliyinin sədri, xalq yazıçısı, görkəmli ədib, ictimai xadim Anarla görüş keçirilib. Görüşdə Akademiyanin əməkdaşları, professor-müəllim heyəti və kursantları iştirak edib....

Ardını oxu

FHN-in Regional Mərkəzlərində maarifləndirmə tədbirləri keçirilib

Fövqəladə Hallar Nazirliyinin Cənub Regional Mərkəzi Masallı rayonu Bədəlan kənd tam orta məktəbində, Aran Regional Mərkəzi Goranboy rayon Boluslu kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbirləri keçirib....

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 11 oktyabr 2019-cu il tarixində Bakı şəhərində yerləşən “Opera” otelində, 1-ci ərazi  Dövlət Yanğın Nəzarəti İdarəsi Qaradağ rayon Səngəçal qəsəbəsində yerləşən Həkim Məntəqəsində, Cənub regional Dövlət Yanğın Nəzarəti İdarəsi DSMF-nin Lerik rayon...

Ardını oxu