Geri

Dövlət Yanğın Nəzarəti Xİdməti Yeni İl şənlİklərİ İlə əlaqədar monitorinqlər keçirir

Dünya Azərbaycanlılarının Həmrəylik Günü və Yeni il bayramı günləri ərəfəsində əhalinin kütləvi toplaşdığı yerlərdə, təhsil və mədəniyyət müəssisələrində, şadlıq saraylarında, restoranlarda, əyləncə mərkəzlərində insanların həyat və sağlamlığı üçün təhlükə yaradan amillərin aradan qaldırılması və həmin obyektlərdə yanğına qarşı tədbirlərin görülməsi məqsədilə Dövlət Yanğın Nəzarəti Xidməti Bakı şəhərində və bölgələrdə monitorinqlər keçirir. Bayram şənlikləri keçiriləcək obyektlərdə yanğın təhlükəsizliyinin daha etibarlı təmin edilməsi məqsədilə keçirilən monitorinqlərdə yanğına qarşı tədbirlərin icrasına, o cümlədən obyektlərin yanğına qarşı su təchizatı ilə, ilkin yanğınsöndürən alət və vasitələrlə təmin olunmasına diqqət yetirilir və obyektlərdəki avtomatik yanğın xəbərverici siqnalizasiya və söndürmə qurğularının işlək vəziyyətdə olmasının, elektrik təsərrüfatının “Elektrik Qurğularının Quraşdırılması Qaydaları”nın tələblərinə cavab verməsinin vəziyyəti yoxlanılır.

Monitorinqlər zamanı obyekt rəhbərlərinin diqqətinə çatdırılır ki, obyektlərə yanğından mühafizə texnikalarının sərbəst yaxınlaşması üçün şərait yaradılmalı, yanğın zamanı insanların və qiymətli əşyaların köçürülməsi üçün təxliyyə yolları maneələrdən təmiz və daim açıq vəziyyətdə saxlanılmalıdır.

Dövlət Yanğın Nəzarəti Xidməti bayram şənlikləri keçirilən obyektlərdə insanların tələb olunan normadan artıq toplanmasını, pəncərələrə dəmir barmaqlıqların quraşdırılmasını, ən azı, iki çıxış yollarının mövcud olmadığı, həmçinin, inzibati binaların 2-ci mərtəbəsindən yuxarı, eləcə də iki və daha çox ehtiyat çıxışı olmayan məkanlarda keçirilməsini, tədbirlər zamanı pirotexniki vasitələrdən, şamlardan və digər yanar əşyalardan, həmçinin, standarta uyğun olmayan elektrik və qaz cihazlarından istifadə olunmasını qadağan etmişdir.

Dünya Azərbaycanlılarının Həmrəylik Günü və Yeni il bayramı günləri ərəfəsində bayram tədbirlərinin keçirildiyi obyektlərdə DYNX-nin əməkdaşları tərəfindən növbətçilik təşkil edilmiş, xidməti ərazidə yanğına qarşı təbliğat işləri gücləndirilmiş, yerli mətbu orqanlar müvafiq maarifləndirici materiallarla təmin edilmişdir. Xidmət tərəfindən bayramla əlaqədar tədbirlərin keçirildiyi obyektlərdə 3 adda yanğına qarşı təbliğat xarakterli plakatlar asılmışdır.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu