Geri

Məktəblərdə maarifləndirmə tədbirləri davam etdirilir.

Gəncə Regional Mərkəzinin əməkdaşları tərəfindən 24 dekabr 2013-cü il tarixində Gəncə şəhər V.Veysalov adına 30 saylı tam orta məktəbdə növbəti maarifləndirmə tədbiri keçirilmişdir. Tədbir “Məktəblərdə qış ayları zamanı təhlükəsizlik qaydaları” adı altında iki hissədən ibarət olmuşdur.

Birinci hissədə dəm qazı, yanğın, partlayış, tüstü zəhərlənməsi, qaz cihazlarının düzgün istifadə qaydası və digər fəlakətlərin qarşısının alınması məqsədilə profilaktik tədbirlərdən bəhs olunmuşdur. Həmçinin, qarşıdan gələn “Yeni il” şənliklərində pirotexniki oyuncaqlardan istifadə olunmaması, küknar ağacının bəzədilməsi zamanı təhlükəsizlik qaydalarına riayət edilməsi, tezalışan oyuncaqlardan istifadə edilməməsi, küknar ağacının işıqlarının nəzarətsiz qoyulmaması tövsiyə olunmuşdur.

Tədbirdə fotoslayd və videofilmlər nümayiş etdirilmişdir. Tədbir iştirakçılarını maraqlandıran suallar cavablandırılmış, şagirdlər arasında mövzu ilə bağlı viktorina keçirilmişdir.

Tədbirin praktiki mərhələsində məktəbin həyətində şagirdlərə Xüsusi Xilasetmə Hissəsinin xilasediciləri tərəfindən komplektləşdirilmiş xilasedici avadanlıqları və dəm qazından zəhərlənənlərə ilkin tibbi yardım qaydaları əyani nümayiş etdirilmişdir.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu