Geri

Dövlət Yanğın Nəzarəti Xidməti qərb bölgəsində ticarət müəssisələrində maarifləndirmə işləri aparmışdır

Fövqəladə Hallar Nazirliyinin Dövlət Yanğın Nəzarəti Xidməti 26-28 noyabr 2013-cü il tarixində Gəncə və Qazax şəhərlərində “Ticarət müəssisələrində yanğın təhlükəsizliyi” mövzusunda seminar-müşavirə keçirmişdir. Regional seminar-müşavirələr çərçivəsində bölgədə fəaliyyət göstərən ticarət müəssisələrində maarifləndirmə işləri aparılmış, yanğın təhlükəsizliyi qaydalarının tələblərinin pozulmasının qarşısını almaq məqsədilə bu sahənin işçiləri ilə yanğına qarşı təbliğat işi həyata keçirilmişdir.  

Dövlət Yanğın Nəzarəti Xidmətinin əməkdaşları ticarət müəssisələrində olarkən obyektin yanğın təhlükəsizliyinin vəziyyəti müzakirə olunmuş, obyekt rəhbərlərinin diqqətinə çatdırılmışdır ki, onlar yanğın təhlükəsizliyinin təmin olunmasına şəxsən məsuliyyət daşıyır və ticarət müəssisələrinin bütün işçiləri yanğın təhlükəsizliyi qaydalarını dəqiq bilməli və onların tələblərini ciddi yerinə yetirməlidirlər.

Ticarət müəssisələrində aparılan maarifləndirmə işləri zamanı ərazinin, bina və otaqların saxlanılması, elektrik, havalandırma, isitmə, tüstüyə qarşı qurğuların istismar zamanı yanğın təhlükəsizliyi qaydalarının tələbləri, yanğın zamanı zəruri hərəkətlər və insanların təhlükəsizliyinin təmin edilməsi, yanğın texnikasının və rabitə vasitələrinin saxlanılması, ilkin yanğınsöndürmə vasitələrinin normaları haqda ətraflı söhbət açılmışdır.   

Dövlət Yanğın Nəzarəti Xidmətinin əməkdaşları ticarət müəssisələrində olarkən yanğın su mənbələrinin vəziyyətinə baxış keçirilmiş, ticarət müəssisələri rəhbərlərinin diqqətinə çatdırılmışdır ki, su təchizatı ilə əlaqədar müvafiq normativ sənədlərin bütün tələblərinə ciddi əməl olunmalıdır.  

Yanğına qarşı təbliğat xarakterli tədbirlər zamanı Dövlət Yanğın Nəzarəti Xidməti tərəfindən hazırlanmış “Ticarət müəssisələrində yanğın təhlükəsizliyi” adlı yaddaş kitabçası ticarət müəssisələrinin işçilərinə paylanılmışdır.

Digər məlumatlar

FHN-in əməkdaşları stolüstü tennis turnirinin qalibi olmuşlar

Stolüstü Tennis Federasiyasının təşkilatçılığı, Gənclər və İdman Nazirliyinin dəstəyi ilə 8 dekabr 2018-ci il tarixində Azərbaycan Respublikasının nazirlik, komitə və agentliklərinin əməkdaşları arasında stolüstü tennis turniri keçirilmişdir....

Ardını oxu

FHN-in İdman-sağlamlıq klubunun idmançıları Sərbəst-güləş çempiomatında mükafatlar qazanmışlar

9 dekabr 2018-ci il tarixində Şağan Olimpiya Kompleksində FHN-in İdman-sağlamlıq klubunun təşkilatçılığı ilə Minbudaq Hüseynovun xatirəsinə həsr olunmuş Sərbəst-güləş üzrə yeniyetmə və Kadet güləşçilər arasında Açıq Respublika turniri  keçirilmişdir. ...

Ardını oxu

FHN-in İdman-sağlamlıq klubu komanda hesabında Respublika çempionu olmuşdur

9 dekabr 2018-ci il tarixində Şağan Olimpiya Kompleksində Kiokşin Karate növü üzrə 6-7, 8-11 yaş uşaqlar və 12-15 yaş yeniyetmələr arasında 20-ci Açıq Respublika çempionatı keçirilmişdir....

Ardını oxu