Geri

FHN Şimal Regional Mərkəzi Şabran rayonunda maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi Şabran rayon Mədəniyyət və Turizm şöbəsində 27 noyabr 2013-cü il tarixində “Fövqəladə halların xəbərdar edilməsi və nəticələrinin aradan qaldırılması” mövzusunda maarifləndirmə tədbiri keçirmişdir. Tədbirə Şimal Regional Mərkəzinin, Şimal Regional Dövlət Yanğın Nəzarət İdarəsinin, Şabran rayon Dövlət Yanğından Mühafizə Hissəsinin və Şabran rayon Mədəniyyət və Turizm şöbəsinin əməkdaşları ilə yanaşı, Şabran rayonda yerləşən müəssissə və təşkilatların nümayəndələri iştirak etmişdir.

Tədbir iştirakçılarına Mərkəzin əməkdaşları tərəfindən FHN-in yaranması, fəaliyyət istiqamətləri, Şimal Regional Mərkəzinin regionda yerləşən digər təşkilatlarla qarşılıqlı fəaliyyətinin əhəmiyyəti, fövqəladə halların qarşının alınması və nəticələrinin aradan qaldırılmasında “112” qaynar telefon xəttinin rolu, təbii və texnogen xarakterli fövqəladə halların başvermə səbəbləri, nəticələri və davranış qaydaları mövzularında ətraflı məlumatlar verilmişdir.

Daha sonra tədbir iştirakçılara Şimal Regional Dövlət Yanğın Nəzarət İdarəsinin və Şabran rayon Dövlət Yanğından Mühafizə Hissəsinin əməkdaşları tərəfindən yanğınların başvermə səbəbləri, yanğın zamanı davranış qaydaları və yanğın təhlükəsizliyi haqqında təlimat, rayon ərazisində yanğın mühafizəsi problemləri və həlli yolları, yanğından mühafizə qaydaları üzrə təlimatlandırılmış, onlara yanğın zamanı hərəkət qaydaları, yanğının söndürülməsi zamanı istifadə olunan müasir yanğınsöndürmə vasitələri haqqında ətraflı məlumatlar verilmişdir.

Yekunda Fövqəladə Hallar Nazirliyinin fəaliyyət istiqamətləri haqqında videoçarx nümayiş olunduqdan sonra suallar ətraflı cavablandırılmışdır.

Tədbir Şabran rayon Mədəniyyət və Turizm İdarəsinin kollektivi tərəfindən böyük razılıq və maraqla qarşılanmışdır.

Digər məlumatlar

FHN-in Dövlət Yanğın Nəzarəti Xidməti yaşayış evlərində maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 13-15 noyabr 2017-ci il tarixilərində paytaxtın Səbail, Xətai və Nizami rayonlarının və Abşeron rayonunun Xırdalan şəhərindəki yaşayış binalarındakı mənzillərdə sakinlər......

Ardını oxu

Fövqəladə Hallar Nazirliyinin Cənub Regional Mərkəzi taktiki-xüsusi təlim keçirmişdir

Fövqəladə Hallar Nazirliyinin Cənub Regional Mərkəzi 17 noyabr 2017-ci il tarixində Liman şəhər Neft Bazasında “Fövqəladə hallar zamanı qəza-xilasetmə və digər təxirəsalınmaz işlərin təşkili və aparılması” mövzusunda taktiki-xüsusi təlim keçirmişdir. ...

Ardını oxu

FHN-in qurumları arasında sərbəst güləş üzrə çempionat keçirilmişdir

Fövqəladə Hallar Nazirliyi işçilərinin Həmkarlar İttifaqının və FHN-in İdman-sağlamlıq klubunun birgə təşkilatçılığı ilə 16-17 noyabr 2017-cı il tarixlərində nazirliyin qurumları arasında sərbəst güləş üzrə çempionat keçirilmişdir. ...

Ardını oxu