Geri

FHN Xüsusi Riskli Xilasetmə Xidməti tədbir keçirmişdir

Fövqəladə Hallar Nazirliyinin Xüsusi Riskli Xilasetmə Xidməti “İctimaiyyətin maarifləndirilməsi və müvafiq qarşılıqlı əlaqələrin yaradılması” üzrə iş planına uyğun olaraq 31 oktyabr 2013-cü il tarixində Səbail rayonu 239 saylı orta məktəbdə tədbir keçirmişdir.

Fövqəladə hallar zamanı və partlayıcı maddələr aşkar olunduqda insanların davranış qaydaları, xüsusi riskli axtarış və qəza-xilasetmə əməliyyatları zamanı zərərçəkmişlərə ilk yardımın göstərilməsi mövzusunda məktəbin pedaqoji kollektivinə müvafiq tövsiyələr verilmişdir.

Yığıncaqda Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları, orta məktəbin müəllim kollektivi və yuxarı sinif şagirdləri iştirak etmişlər.

Yığıncaqda fövqəladə hallar zamanı Nazirliyin Böhran Vəziyyətlərində İdarəetmə Mərkəzinin “112” Xidməti ilə əlaqə, Xidmətin fəaliyyət istiqamətləri, həmçinin, partlayıcı maddələrin aşkar olunması zamanı insanların davranış qaydaları, fəlakətə düçar olmuş və ya köməyə ehtiyacı olan insanlara ilk yardım və təxirəsalınmaz tibbi yardımın göstərilməsi, eləcə də təbii, texnogen, yanğın və terror təhlükələrinə məruz qalan strateji obyektlərin mühafizəsi haqqında məlumatlar verilmişdir.

Tədbirin sonunda məktəblilərin baş vermiş və ya baş verə biləcək bədbəxt hadisə barədə “112” Xidmətinə müraciətləri insan həyatının xilas olunması istiqamətində bir vətəndaş kimi vəzifələrinin nə qədər böyük olması haqqında tövsiyələr verilmiş, eyni zamanda iştirakçılara Xidmətin fəaliyyətini əks etdirən fotoslaydlar və xüsusi təyinatlı nəqliyyat vasitələrində komplektləşdirilmiş müasir xilasetmə alət və avadanlıqları nümayiş olunmuşdur.

İctimaiyyətin maarifləndirilməsi məqsədilə keçirilən yığıncaqda Xidmətin  fəaliyyəti ilə bağlı nümayiş etdirilən materiallar müəllim və şagirdlərin böyük  marağına səbəb olmuşdur.

 

Digər məlumatlar

FHN-in Qarabağ Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Qarabağ Regional Mərkəzi 20 fevral 2018-ci il tarixində FHN-in yerli qurumlarının əməkdaşları ilə birlikdə Ağcabədi şəhər 8 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Sumqayıt Regional Mərkəzi seminar-müşavirə keçirmişdir

Fövqəladə Hallar Nazirliyinin Sumqayıt Regional Mərkəzi 20 fevral 2018-ci il tarixində Abşeron rayonunun Xırdalan şəhərindəki Bakı Dövlət İqtisadiyyat və Humanitar Kollecində “Tələbələrin fövqəladə hallara hazır olması daim diqqət mərkəzində” mövzusunda seminar-müşavirə keçirmişdir. ...

Ardını oxu

FHN-in Cənub Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Cənub Regional Mərkəzi 20 fevral 2018-ci il tarixində FHN-in regionda fəaliyyət göstərən digər qurumları ilə birgə Astara rayon Pensər kənd 1 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu