Geri

FHN Muğan Regional Mərkəz maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzinin əməkdaşları 30 oktyabr 2013-cü il tarixində Neftçala rayonu, Bankə qəsəbəsi 2 salı orta məktəbdə “Yanğın təhlükəsizliyi və fövqəladə hallarda nə etməli?” mövzusunda maarifləndirmə tədbiri keçirmişlər. Tədbirdə müəllim və şagirdlərə yanğınlar və onların başvermə səbəbləri haqqında ümumiləşdirilmiş və yanğına qarşı qabaqlayıcı tədbirlərin görülməsi barədə ətraflı məlumat verilmişdir. Həmçinin, tədbir iştirakçılarına fövqəladə hallar zamanı (zəlzələ, qasırğa, daşqın və s.) davranış qaydaları barədə məlumatlar verilmişdir. Daha sonra Mərkəzin əməkdaşı Mərkəzin fəaliyyət istiqamətləri haqqında ümumiləşdirilmiş məlumatlar çatdırmışdır. Bundan əlavə tədbir iştirakçılarına videoçarxlar nümayiş olunmuşdur.

Muğan Regional Mərkəzinin xilasetmə hissəsinin xilasediciləri tədbir iştirakçılarına fövqəladə hadisələr zamanı istifadə olunan alət və avadanlıqlar haqqında məlumatlar vermiş, həmçinin, alpinist hazırlığı və zərər çəkmiş insanın yüksək mərtəbəli binadan necə təxliyyə olunmasını nümayiş etdirmişlər.

Tədbirin sonunda müəllim və şagirdlər tərəfindən verilən suallar cavablandırılmışdır.

 

 

 

Digər məlumatlar

FHN-nin Qarabağ Regional Mərkəzi maarifləndirmə tədbiri keçirib

Fövqəladə Hallar Nazirliyinin Qarabağ Regional Mərkəzi 21 noyabr 2019-cu il tarixində Tərtər rayon Qaradağlı kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirib.  ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

21 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Nizami rayonunda yerləşən “Nord West Baku” otelində, 1-ci ərazi Dövlət Yanğın Nəzarəti İdarəsi......

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirmə tədbiri keçirib

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Aran Regional Mərkəzinin əməkdaşları ilə birgə 21 noyabr 2019-cu il tarixində Mingəçevir şəhərində gəmi istifadəçiləri üçün maarifləndirmə tədbiri keçirib....

Ardını oxu