Geri

FHN Bakı Regional Mərkəzi Qaradağ rayonunda tədbir keçirmişdir

Fövqəladə Hallar Nazirliyinin Bakı Regional Mərkəzi cari payız-qış mövsümü ilə əlaqədar “Yanğınların profilaktikasında və yanğın hadisələri zamanı əhaliyə düzgün davranış vərdişlərinin aşılanmasında yerli icra hakimiyyəti və özünüidarəetmə orqanlarının rolu” mövzusunda silsilə tədbirləri davam etdirir.

Belə tədbirlərdən növbətisi cari ilin oktyabr ayının 30-da Qaradağ Rayon İcra Hakimiyyətində keçirilmişdir.

Tədbirdə cari ilin 9 ayı ərzində baş vermiş yanğınların statistikası barədə məlumat verilmişdir. Qeyd edilmişdir ki, cari payız-qış mövsümündə yanğın və dəm qazı zəhərlənmələri ilə bağlı bədbəxt hadisələrin baş verməməsi üçün hər bir vətəndaş əlindən gələni etməlidir.

Müşavirədə Bakı Regional Mərkəzinin, Dövlət Yanğın Nəzarəti və Dövlət Yanğından Mühafizə xidmətlərinin əməkdaşları müvafiq olaraq “Yanğının başvermə səbəbləri və yanğın zamanı hərəkət qaydaları”, “Yanğın təhlükəsizliyi qaydaları”, “Rayon ərazisində yanğın mühafizəsi problemləri və həlli yolları” mövzularında çıxışlar etmişlər. FHN Dövlət Yanğından Mühafizə Xidmətinin əməkdaşının çıxışı zamanı rayon ərazisində yanğınsöndürən avtomobillərin hərəkətinə mane olan dirəklərin və şlaqbaumların olduğu yerləri özündə əks etdirən fotoşəkillər nümayiş olunmuşdur.

Qaradağ rayon Mənzil Komunal Təsərrüfatı Birliyinin, Qaradağ rayon Qaz İstismar Sahəsinin, Qaradağ rayon Enerji Təchizatı və Satışı İdarəsinin, Qaradağ rayon Təcili və təxirəsalınmaz yardım stansiyasının əməkdaşları isə müvafiq olaraq “Yaşayış binalarında yanğın təhlükəsizliyinin vəziyyəti”, “Rayonda qaz təsərrüfatının mövcud vəziyyəti, problemlər və həlli yolları”, “Rayonda enerji təchizatının mövcud vəziyyəti, problemlər və həlli yolları” və “Yanğın zamanı ilkin tibbi yardım” mövzularında çıxışlar etmişlər.

Müşavirənin gedişində yanğın təhlükəsizliyi və dəm qazı ilə bağlı videomaterial da nümayiş olunmuşdur. Çıxışlar interaktiv formada elektron vasitələrin köməyi ilə təqdim olunmuşdur.

 

Digər məlumatlar

FHN Şimal-qərb Regional Mərkəzi seminar-müşavirə keçirmişdir

FHN Şimal-qərb Regional Mərkəzi 22 iyun 2018-ci il tarixində Qəbələ rayon İcra Hakimiyyətində “Mülki müdafiə tədbirlərinin planlaşdırılması və həyata keçirilməsi, əhalinin və işçilərin mülki müdafiə hazırlığının təşkil olunması” mövzusunda seminar-müşavirə keçirmişdir. ...

Ardını oxu

FHN-in Sumqayıt Regional Mərkəzi “dəyirmi masa” keçirmişdir

Fövqəladə Hallar Nazirliyinin Sumqayıt Regional Mərkəzi 21 iyun 2018-ci il tarixində Abşeron rayon Qobu Bələdiyyəsində “Fövqəladə halların qarşısının alınması və nəticələrinin aradan qaldırılması sahəsində Sumqayıt Regional Mərkəzi ilə yerli özünüidarəetmə orqanları arasında qarşılıqlı fəaliyyətin təşkili” mövzusunda “dəyirmi masa” keçirmişdir. ...

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşı Avropa çempionatında bürünc medal qazanmışdır

14-18 iyun 2018-ci il tarixlərində Şotlandiyanın Qlazqo şəhərində veteranlar arasında cüdo üzrə Avropa çempionatı keçirilmişdir. ...

Ardını oxu