Geri

FHN Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi ilə Qubadlı rayon Təhsil şöbəsi arasında razılaşdırılmış tədbirlər planına əsasən 30 oktyabr 2013-cü il tarixində “Uşaq hüquqları aylığı” çərçivəsində Qubadlı rayonu Ş.Kərimov adına Çərəli kənd tam orta məktəbində “Həyatının təhlükəsizliyi sənin öz əlindədir” mövzusunda maarifləndirmə tədbiri keçirilmişdir.

Tədbirin əsas məqsədi müəllim və şagirdlərin fövqəladə hallar zamanı davranış qaydaları və mülki müdafiə sahəsində biliklərinin artırılması, özünə və digərlərinə ilkin tibbi yardımın göstərilməsi və məktəblərdə baş verə biləcək yanğın və ya partlayış hadisələrinin qarşısının alınması məqsədilə profilaktik tədbirlərin görülməsi olmuşdur.

Tədbirdə Sumqayıt Regional Mərkəzinin, Sumqayıt Regional Dövlət Yanğın Nəzarəti İdarəsinin, Dövlət Yanğından Mühafizə İdarəsinin nümayəndələri, Qubadlı rayon Təhsil şöbəsinin əməkdaşları, məktəbin müəllim və şagirdləri iştirak etmişdir.

Mərkəzin əməkdaşları “Fövqəladə hallar zamanı davranış qaydaları”,  “Yanğın təhlükəsizliyi qaydaları”,“İnsan psixologiyasının qorxu və təhlükəsizliyə qarşı hazırlığı”, “Zərərçəkmiş insanlara ilkin tibbi yardımın göstərilməsi” və  “112 qaynar telefon xətti təhlükəsizliyimizin qarantıdır” mövzularında çıxışlar etmişdir.

Daha sonra Fövqəladə Hallar Nazirliyinin fəaliyyət istiqamətləri, onun strukturu haqqında sənədli film nümayiş olunmuşdur. Tədbir iştirakçıları ilə qarşılıqlı fikir mübadiləsi aparılmış, onları maraqlandıran suallar cavablandırılmışdır.

Digər məlumatlar

FHN-in Qarabağ Regional Mərkəzi müşavirə keçirib

22 noyabr 2019-cu il tarixində Fövqəladə Hallar Nazirliyinin Qarabağ Regional Mərkəzi Abşeron rayonu Masazır qəsəbəsində yerləşən Sumqayıt Regional Mədəniyyət İdarəsinin Zəngilan rayon Mədəniyyət Evində Qubadlı, Zəngilan və Şuşa rayonları üzrə fəaliyyət göstərən idarə, müəssisə və təşkilatların rəhbərləri, mülki müdafiə işinə cavabdeh şəxsləri ilə “Mülki müdafiə sahəsində......

Ardını oxu

FHN-in idmançıları çempionatda uğurlu çıxış ediblər

20-22 noyabr 2019-ci il tarixlərində Fövqəladə Hallar Nazirliyinin İdman-sağlamlıq mərkəzinin idman arenasında Bakı Şəhər Gənclər və İdman Baş İdarəsi və Azərbaycan Cüdo Federasiyasının kişilər və qadınlar arasında “Açıq Bakı çempionatı” keçirilib. ...

Ardını oxu

FHN-in Gəncə Regional Mərkəzinin əməkdaşları “Yerli icmaların fövqəladə hallar zamanı sağlamlıq üzrə dayanıqlığının gücləndirilməsi” layihəsində iştirak ediblər

21 noyabr 2019-cu il tarixində Gəncə şəhərində yerləşən “EMON” otelində Azərbaycan Qızıl Aypara Cəmiyyəti “Yerli icmaların fövqəladə hallar zamanı sağlamlıq üzrə dayanıqlığının gücləndirilməsi” layihəsi çərçivəsində tədbir keçirib...

Ardını oxu