Geri

FHN Şimal-qərb Regional Mərkəzi maarifləndirmə tədbiri keçirmişdir

Yanvar ayının 29-da FHN Şimal-qərb Regional Mərkəzi İsmayıllı şəhər 1 saylı tam orta məktəbində rayonun təhsil işçiləri ilə dəm qazından zəhərlənmələrin qarşısının alınması məqsədi ilə “Qazdan istifadə zamanı təhlükəsizlik qaydalarına riayət edilməsi” mövzusunda maarifləndirmə tədbiri keçirmişdir. Tədbirdə rayon Təhsil şöbəsinin nümayəndələri və rayonda fəaliyyət göstərən məktəblərin rəhbərləri iştirak etmişlər.

Tədbirin keçirilməsində əsas məqsəd qış mövsümündə cəmiyyəti ən çox narahat edən məsələlərdən olan “Dəm qazı” ilə bağlı təhsil işçiləri ilə qarşılıqlı fikir mübadiləsi aparmaq, təhsildə bu sahəyə olan diqqəti daha da artırmaq və bu sahədə təbliğat işlərini gücləndirmək olmuşdur.

İştirakçılara Dəm qazından zəhərlənmənin qarşısının alınmasında təbliğatın rolu”, “Dəm qazından zəhərlənmələrin qarşısının alınması üçün təhlükəsizlik norma və qaydaları”, “Fövqəladə hal və mülki müdafiə”, “Məişətdə baş verən yanğınlar və partlayışlar zamanı xilasedicilər gələnə qədər zərərçəkmişlərə ilkin tibbi yardımın göstərilməsi və onların hadisə zonasından çıxarılması”, “Rayonun çoxmərtəbəli və fərdi yaşayış evlərindəki qaz təsərrüfatında təhlükəsizlik tədbirlərinin mövcud vəziyyəti” və s. mövzularda ətraflı məlumatlar verilmiş, dəm qazı ilə bağlı videoçarx nümayiş olunmuşdur.

Daha sonra Fövqəladə Hallar Nazirliyinin təşkilatçılığı ilə məktəblilər arasında keçirilən “Fövqəladə hallar uşaqların gözü ilə” müsabiqəsi, “Gənc xilasedici və yanğınsöndürən” yarışları haqqında, tədbirlərdə bugünəqədər İsmayıllı rayonunun əldə etdiyi nailiyyətlər haqqında danışılmışdır.    

Tədbirin sonunda rayon Təhsil şöbəsinin məsul işçisi bu kimi hadisələrin qarşısının alınmasında əsas vasitə olan təbliğatın aparılmasında cəmiyyətdə hər kəsin, xüsusi ilə də təhsil işçilərinin üzərinə böyük vəzifənin düşdüyünu qeyd etmiş, mövsümi xarakter daşıyan hadisələrlərin qarşısının alınması ilə bağlı şagirdlərə hər gün məlumatların verilməsinin vacibliyindən danışmışdır.

Digər məlumatlar

Fövqəladə Hallar Nazirliyinin Dövlət Yanğından Mühafizə Xidməti Heydər Əliyev adına Bakı Neft Emalı Zavodunda nəzəri-praktiki seminar keçirmişdir

Fövqəladə Hallar Nazirliyinin Dövlət Yanğından Mühafizə Xidməti  24  aprel 2018-ci il tarixində Heydər Əliyev adına Bakı Neft Emalı Zavodunun  texnoloji proseslərin tədqiqatı üzrə  24 nömrəli sahəsində "Neft emalı  müəssisələrinin laboratoriya və təcrübə qurğularında yanğın təhlükəsizliyi tədbirləri"  mövzusunda nəzəri-praktiki seminar keçirmişdir....

Ardını oxu

Fövqəladə Hallar Nazirliyində xarici diplomatlarla görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  24 aprel 2018-ci il tairixində ölkəmizdə akkreditə olunmuş xarici ölkə səfirliklərinin  və Avropa İttifaqının Nümayəndəliyinin təmsilçiləri ilə görüş keçirilmişdir. ...

Ardını oxu

Kiçikhəcmli gəmi istifadəçiləri ilə maarifləndirmə işi aparılmışdır

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Muğan Regional Mərkəzinin əməkdaşları ilə birgə 24 aprel 2018-ci il tarixində Neftçala rayonunun Mirqurbanlı kəndində maarifləndirmə tədbiri keçirmişdir. ...

Ardını oxu