Geri

Maarifləndirmə tədbirləri davam etdirilir

24 yanvar 2013-cü il tarixində Masallı rayonunun B.Şiriyev adına Mollaoba kənd tam və Babaser kənd ümumi orta məktəblərində Cənub Regional Mərkəzi tərəfindən “Fövqəladə hallarda özünü necə aparmalı və yanğın təhlükəsizliyi vərdişlərinə hamı əməl etməlidir” mövzusu çərçivəsində maarifləndirmə tədbirləri keçirilmişdir.

Tədbirlərdə Cənub Regional Mərkəzinin nümayəndələri, Masallı rayon Təhsil şöbəsinin, məktəblərin müəllim və şagird heyəti, texniki işçiləri, eləcə də valideyinlər iştirak etmişlər.

Keçirilən təbliğat xarakterli tədbirdə Mərkəz əməkdaşları tərəfindən “Dəm qazı təhlükəsindən insanların qorunması yolları”, “Hansı hallarda “112” qaynar xətlə əlaqə saxlamaq lazımdır?” və “Fərdi mühafizə vasitələrindən istifadə qaydaları” mövzuları barədə geniş məlumatlar tədbir iştirakçılarının diqqətinə çatdırılmışdır.

Sonra tədbir iştirakçılarının yanğın təhlükəsizliyi sahəsində intellektual səviyyəsini yoxlamaq məqsədilə şagirdlərdən ibarət 4 qrupa "Mənzildə baş vermiş yanğın hadisəsi zamanı, eləcə də dəm qazından zəhərlənmiş zərərçəkmişə ilkin tibbi yardım göstərilən zaman hansı davranış qaydalarına əməl olunmalıdır?" mövzusunda hazırlanmış sual kartları paylanılmış, 20 dəqiqə ərzində verilən cavablar Mərkəz əməkdaşları tərəfindən qiymətləndirilmişdir.

Daha sonra təhsil müəssisələrinin təxliyyə planlarının mərtəbələr üzrə müvafiq qaydalara əməl etməklə düzgün hazırlanmasının, yanğın və texniki təhlükəsizlik tədbirlərinə əməl olunmasına nəzarətin artırılmasının, ehtiyat çıxış qapılarının və zirzəmilərin daim istifadəyə yararlı vəziyyətdə saxlanılmasının, ilkin yanğınsöndürmə vasitələri ilə təchiz olunmasının vacibliyi bir daha tədbir iştirakçılarının diqqətinə çatdırılmışdır.

Tədbirin sonunda “Hansı hallarda “112” qaynar xətlə əlaqə saxlamaq lazımdır?”, “Təbii qazdan istifadə etdikdə ehtiyatlı olun!” və “Zəlzələ vaxtı, ondan əvvəl və sonra özünə və başqalarına kömək etməyi bacar” mövzularında hazırlanmış broşür və vərəqələr tədbir iştirakçılarına paylanılmış, “Dəm qazından zəhərlənmə hallarının yaranma səbəbləri”nə dair videoçarx nümayiş olunmuş və göstərilən materiallarla bağlı tədbir iştirakçılarını maraqlandıran suallar məruzəçilər tərəfindən ətraflı cavablandırılmışdır.

Digər məlumatlar

FHN-in Dövlət Yanğın Nəzarəti Xidməti maarifləndirmə tədbirləri keçirib

Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi 16 avqust  2019-cu il tarixində Ağcabədi şəhəri 2 saylı Körpələr evi-uşaq bağçasında, “Azərpoçt” MMC-nin  Bərdə şəhər filialında və  Bərdə rayon Arxiv idarəsində maarifləndirmə tədbirləri keçirib. ...

Ardını oxu

Fövqəladə Hallar Nazirliyinin Cənub Regional Mərkəzində mülki müdafiə kursları keçirilib

Fövqəladə Hallar Nazirliyninn Cənub Regional Mərkəzində 2019-cu il üçün mülki müdafiə kurslarının dinləyicilərlə komplektləşdirmə planına əsasən, 14-16 avqust 2019-cu il tarixlərində "Yanğınsöndürmə manqalarının komandirləri" kateqoriyası üzrə mülki müdafiə kursları keçirilib. ...

Ardını oxu

FHN Akademiyasının kursantları Bakı Regional Mərkəzində “Qrup rəisi” vəzifəsində istehsalat təcrübəsi keçiblər

Fövqəladə Hallar Nazirliyi Akademiyasının Həyat fəaliyyətinin təhlükəsizliyi fakültəsinin III kurs kursantları FHN-in Bakı Regional Mərkəzində 2019-cu il iyulun 26-dan avqustun 9-dək “Qrup rəisi” vəzifəsində istehsalat təcrübəsi keçiblər. ...

Ardını oxu