Geri

FHN Cənub Regional Mərkəzi “Yay mövsümündə vətəndaşlar tərəfindən çimərliklərdə təhlükəsizlik tədbirləri” üzrə məşq keçirmişdir

17 avqust 2012-ci il tarixində Fövqəladə Hallar Nazirliyi Cənub Regional Mərkəzi "Yay mövsümündə vətəndaşlar tərəfindən çimərliklərdə təhlükəsizlik tədbirləri" mövzusunda məşq keçirmişdir.

Məşqin keçirilməsində əsas məqsəd yay mövsümü ilə bağlı çimərliklərin təhlükəsizlik baxımından tam hazırlıq vəziyyətinə gətirilməsi, əhalinin çimərliklərdən düzgün istifadə qaydaları ilə bağlı maarifləndirilməsi, çimərliklərdə sanitar-gigiyena qaydalarının tələblərinə əməl olunması, zərərçəkmişlərin xilas edilməsi və onlara ilkin tibbi yardımın göstərilməsindən ibarət olmuşdur.

FHN-in Cənub Regioal Mərkəzinin, Dövlət Sularda Xilasetmə Xidmətinin Cənub dalğıc axtarış qrupunun, Lənkəran xilasetmə məntəqəsinin, Lənkəran şəhər Təcili və təxirəsalınmaz tibbi yardım stansiyasının, Lənkəran rayon Sanitar-gigiyena və epidemiologiya Mərkəzinin, yerli icra və özünüidarəetmə orqanlarının nümayəndələri, eləcə də 1 ədəd “Mercedes Sprinter” markalı xüsusi xilasetmə avtomobili, 1 ədəd “Chevrolet-Niva” avtomobili, 1 ədəd təcili tibbi yardım avtomobili və 1 ədəd xilasetmə kateri xüsusi xilasetmə alət və avadanlıqları ilə birgə məşqə cəlb olunmuşdur.

Şərti olaraq 17 avqust 2012-ci il tarixində saat 15:00-da Cənub Regional Mərkəzinə daxil olan məlumata əsasən, Lənkəran şəhərində yerləşən dövlət çimərliyində sudaboğulma hadisəsi baş vermişdir.

Məlumat daxil olduqdan dərhal sonra FHN-in Cənub Regional Mərkəzinin, DSXX-nin Cənub dalğıc axtarış qrupunun və Lənkəran xilasetmə məntəqəsinin şəxsi heyəti tərəfindən hadisə yerində zərərçəkmişlərin axtarışına başlanılmış, çimərlikdə toplaşan və panikada olan vətəndaşlara, eləcə də zərərçəkmişlərin qohumlarına xilasedicilər tərəfindən psixoloji yardım göstərilmişdir. 

Aparılan axtarış tədbirlərinin nəticəsi olaraq zərərçəkmişlər xilasedicilər tərəfindən tapılaraq ilkin tibbi yardım göstərildikdən sonra Təcili və təxirəsalınmaz tibbi yardım stansiyasının əməkdaşlarına təhvil verilmişdir.

Daha sonra çimərlikdə əhali üçün təhlükə yarada biləcək maneələrin təmizlənməsi istiqamətində xilasedicilər tərəfindən müvafiq təhlükəsizlik tədbirləri həyata keçirilmiş, “Hansı hallarda 112 qaynar xəttinə müraciət etmək olar?” və “Çimərliklərdə təhlükəsizlik tədbirləri” mövzusunda hazırlanmış broşürlər əhali arasında paylanılmışdır.

Yekunda məşqə cəlb olunan qurumların qarşılıqlı fəaliyyəti və çatışmazlıqlar haqqında ətraflı müzakirələr aparılmışdır.

 

 

Digər məlumatlar

Maarifləndirmə tədbirləri davam edir

21 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “P-Aqro” MMC-nin Sabirabad və Salyan rayon Pambıq qəbulu məntəqələrində maarifləndirmə tədbiri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

18 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “MKT İK” MMC-nin Ağdam filialında maarifləndirmə tədbiri keçirib. ...

Ardını oxu

Maarifləndirmə tədbirləri davam etdirilir

17 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda Ağdam rayon Pambıq istehsalı və tədarükü məntəqəsində, Muğan regional Dövlət Yanğın Nəzarəti İdarəsi isə Saatlı rayon Pambıq tədarükü və emalı zavodunda  maarifləndirmə tədbirləri keçirib.......

Ardını oxu