Geri

Təhsil müəssisələrində nəzəri–praktik tədbirlər davam etdirilir

Fövqəladə Hallar Nazirliyi Aran Regional Mərkəzi 30 noyabr 2012-ci il tarixində Mingəçevir Şəhər İcra Hakimiyyəti ilə birgə “Fövqəladə hallar zamanı davranış qaydaları” mövzusunda Mingəçevir şəhər 18 saylı orta məktəbdə şəhər ictimaiyyətinin nümayəndələri, məktəbin müəllim və şagird kollektivinin iştirakı ilə maarifləndirmə tədbiri keçirmişdir. Tədbirin keçirilməsində məqsəd ehtimal olunan fövqəladə hadisələr zamanı ilkin davranış qaydalarının aşılanmasından ibarət olmuşdur.

Tədbir zamanı Fövqəladə Hallar Nazirliyinin fəaliyyətini əks etdirən videoçarx nümayiş etdirilmişdir. Sonra Mingəçevir Şəhər İcra Hakimiyyətinin əməkdaşı  “Fövqəladə hallar zamanı İcra hakimiyyətləri və yerli özünüidarəetmə orqanlarının fəaliyyəti”, FHN-in, o cümlədən Aran Regional Mərkəzinin əməkdaşları “Fövqəladə halların təsnifatı və fövqəladə hallar zamanı nə etməli?”, “Yanğın təhlükəsizliyi qaydaları”, “Yanğın-partlayış hadisəsi zamanı nə etməli?”, “Su hövzələrində təhlükəsizlik qaydaları”, “Terror xarakterli fövqəladə hallar zamanı nə etməli?” mövzularında çıxışlar etmişdir.

Çıxışlardan sonra “Gənc xilasedici və yanğınsöndürən” zona yarışlarının qalibi Mingəçevir şəhər 11 saylı orta məktəbin komandasının hazırladığı səhnəciklər iştirakçılar tərəfindən maraqla qarşılanmışdır.

Tədbirin nəzəri hissəsindən sonra məktəbin həyətində təşkil edilmiş praktik məşğələlər müəllim və şagird heyətinə nümayiş olunmuşdur. Mərkəzin xüsusi xilasetmə dəstəsi praktik olaraq yanğın zamanı yaralının təxliyyə olunmasını tədbir iştirakçılarına göstərmişdir. Həmçinin, Mərkəzin “Nissan Patrul” xüsusi təyinatlı avtomobili və onun təchiz olunduğu alət və avadanlıqlar, yanğınsöndürmə texnikası və onun çalışma mexanizmi, Dövlət Sularda Xilasetmə Xidmətinin xilasetmə və üzmə vasitələri, Mingəçevir şəhər Təcili təxirəsalınmaz tibbi yardım məntəqəsinin tibbi yardım maşını nümayiş olunmuş, iştirakçıları maraqlandıran suallar cavablandırılmışdır.

Digər məlumatlar

FHN-in Bakı Regional Mərkəzi Səbail Rayon İcra Hakimiyyətində rayon müşavirəsi keçirmişdir

Fövqəladə Hallar Nazirliyinin Bakı Regional Mərkəzi payız-qış mövsümünə hazırlıq çərçivəsində 2018-ci il oktyabr ayının 19-da Səbail Rayon İcra Hakimiyyətində “Yanğın təhlükəsizliyinin təmin olunmasında Fövqəladə Hallar Nazirliyi, yerli icra hakimiyyəti və özünüidarəetmə orqanlarının birgə fəaliyyəti” mövzusunda növbəti rayon müşavirəsi keçirmişdir. ...

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirmə tədbiri keçirmişdir

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Cənub Regional Mərkəzinin əməkdaşları ilə birgə 18 oktyabr 2018-ci il tarixində Lənkəran rayonunun Aşağı Nüvədi kəndində kiçikhəcmli gəmi istifadəçiləri üçün maarifləndirmə tədbiri keçirmişdir. ...

Ardını oxu

Fövqəladə Hallar Nazirliyinin Akademiyasında dövlət müstəqilliyimizin bərpasının 27-ci ildönümünə həsr olunmuş tədbir keçirilmişdir

Fövqəladə Hallar Nazirliyinin Akademiyasında 18 oktyabr ­­­– Azərbaycan Respublikasının dövlət müstəqilliyinin bərpasının 27-ci ildönümünə həsr olunmuş tədbir keçirilmişdir. ...

Ardını oxu