Geri

FHN Gəncə Regional Mərkəzi maarifləndirmə tədbiri keçirmişdir

Fövqəladə Hallar Nazirliyi Gəncə Regional Mərkəzinin əməkdaşları tərəfindən noyabr ayının 24-də növbəti maarifləndirmə tədbiri keçirilmişdir. Tədbir Gəncə şəhər 26 saylı orta məktəb-lisey kompleksində “Fövqəladə hallarda özünü necə aparmalı?” mövzusunda təşkil olunmuşdur.

Təbliğat xarakterlı tədbirdə Gəncə şəhər Təhsil şöbəsinin nümayəndələri, məktəb rəhbərliyi, müəllim və şagird kollektivi iştirak etmişdir. 

Tədbirin keçirilməsində əsas məqsəd əhalinin zəlzələ zamanı düzgün davranış qaydaları barədə maarifləndirməklə onların bu sahədə biliklərini daha da artırmaq, eləcə də sel və daşqınlar zamanı davranış qaydalarını izah etmək olmuşdur.

Tədbirdə Mərkəz əməkdaşları tərəfindən zəlzələ baş verdikdə çoxmərtəbəli yaşayış binalarında otaq şəraitində təhlükəsizliyi təmin etmək məqsədilə düzgün mövqe tutulması, zəlzələ zamanı yaşayış evlərində hansı divarların daha az dayanıqlığa malik olması, zəlzələdən dərhal sonra hansı qaynar xətlə əlaqə saxlanılması və zərərçəkmişlərə ilkin tibbi yardımın göstərilməsi qaydaları barədə ətraflı məlumat verilmişdir.

Tədbirdə, həmçinin, “Hansı hallarda FHN-in “112” qaynar xətti ilə əlaqə saxlamaq lazımdır?”, “Zəlzələ vaxtı, ondan əvvəl və sonra özünə və başqalarına kömək etməyi bacar”, “Sel və daşqınlar zamanı davranış qaydaları” mövzularında hazırlanmış bukletlər paylanılmış, Mərkəzin fəaliyyəti ilə bağlı video və fotoslaydlar nümayiş olunmuş, göstərilən materiallarla bağlı iştirakçıları maraqlandıran suallar cavablandırılmışdır.

Digər məlumatlar

FHN-in Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 17 oktyabr 2018-ci il tarixində Xızı rayonu O.Həsənov adına Tıxlı kənd ümumi orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Aran Regional Mərkəzi Naftalan şəhərində “dəyirmi masa” keçirmişdir

Fövqəladə Hallar Nazirliyinin Aran Regional Mərkəzi 16 oktyabr 2018-ci il tarixində Naftalan şəhəri Maliyyə idarəsinin inzibati binasında “Fövqəladə halların baş verdiyi ərazilərdən əhalinin müvəqqəti olaraq köçürülməsi, maddi və mədəni sərvətlərin evakuasiya (təxliyə) edilməsi və digər təxirəsalınmaz tədbirlərin planlaşdırılması və həyata keçirilməsində Nazirliyin struktur bölmələri və müvafiq......

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 17 oktyabr 2018-ci il tarixində Qusar şəhəri 1 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu