Geri

FHN Nüvə və Radioloji Fəaliyyətin Tənzimlənməsi üzrə Dövlət Agentliyində seminar keçirilmişdir

Tibb müəssisələrində radiasiya təhlükəsizliyinin təmin edilməsi, bu sahəyə dövlət nəzarətinin təşkili və ionlaşdırıcı şüalanma mənbələrinin Dövlət Reyestrinin yaradılmasının vacibliyi məsələlərinin müzakirəsi və bununla bağlı maarifləndirmə məqsədilə 20 və 22 noyabr 2012-ci il tarixlərində Azərbaycan Respublikası Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyində “Tibb müəssisələrində ionlaşdırıcı şüalanma mənbələrinin inventarlaşdırılması” mövzusunda seminar keçirilmişdir. İki gün davam edən Seminara Səhiyyə Nazirliyinin tabeçiliyində olan dövlət müəssisələrində və özəl tibb mərkəzlərində çalışan həkim rentgenoloqlar, radiasiya təhlükəsizliyinə cavabdeh şəxslər və s. dəvət edilmişdir.

Seminarı giriş sözü ilə Agentliyin rəisi vəzfəsini müvəqqəti icra edən Vüqar Hüseynov açmış və ölkədə son illər ərzində nüvə və radiasiya təhlükəsizliyinin təmin edilməsi istiqamətində görülmüş işlər, Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyinin fəaliyyəti və seminarın məqsədi haqqında məlumat vermişdir.

Bundan sonra Agentliyin əməkdaşları “Nüvə və Radioloji Fəaliyyətin Tənzimlənməsi üzrə Dövlət Agentliyinin yaradılması və fəaliyyət istiqamətləri”, “Radiasiya təhlükəsizliyi haqqında ümumi məlumat”, “Radiasiya təhlükəsizliyi üzrə attestasiyanın keçirilməsi”, “Tibb müəssisələrində radiasiya təhlükəsizliyinə dair qanunvericilik və tələblər”, “Nüvə və radioloji fəaliyyətlə əlaqəli fəaliyyət növlərinə xüsusi icazələrin verilmə Qaydaları”, “İonlaşdırıcı şüalanma mənbələrinin inventarlaşdırılması”, “İnventarizasiya məlumatlarının düzgün doldurulması ” mövzularında təqdimatlarla çıxışlar etmişlər.

Tədbirdə seminar iştirakçıları ilə fikir mübadiləsi aparılmış, onları maraqlandıran suallar cavablandırılmış və sonda iştirakçılara rentgen aparatları və qurğuları barədə inventarlaşdırma məlumatlarının düzgün doldurulmasına dair Təlimat təqdim edilmişdir.

Digər məlumatlar

FHN işçilərinin Həmkarlar İttifaqı Azərbaycan xalqının ümummilli lideri Heydər Əliyevin anadan olmasının 95 illiyi münasibətilə Əlincə qalasına yürüş təşkil etmişdir

16 iyul 2018-ci il tarixində Azərbaycan Respublikası Fövqəladə Hallar Nazirliyi işçilərinin Həmkarlar İttifaqının bir qrup komitə sədrləri Azərbaycan xalqının ümummilli lideri, müasir Azərbaycan Respublikasının qurucusu Heydər Əliyevin anadan olmasının 95 illiyi münasibətilə cəsarət, möhkəm iradə və sarsılmazlığın rəmzinə çevrilən, 1800 metr yüksəklikdə yerləşən Əlincəqalaya yürüş təşkil......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 2018-ci il iyul ayının 17-dən 19-dək “Pambıqçılığın yanğın təhlükəsizliyi” mövzusunda Yevlax, Ucar və Tərtər rayonlarında  yanğına qarşı təbliğat işləri və müvafiq maarifləndirmə tədbirləri keçirmiş, ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, Xidmət tərəfindən bu məqsədlə hazırlanmış yaddaş......

Ardını oxu

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 19 iyul 2018-ci il tarixində FHN-in regionda fəaliyyət göstərən digər qurumları ilə birgə Göyçay rayon Suvarma sistemləri idarəsinin kollektivi ilə "Fövqəladə hallarla bağlı davranış qaydaları" mövzusunda maarifləndirmə tədbiri keçirmişdir. ...

Ardını oxu