Geri

FHN Bakı Regional Mərkəzi Nizami RİH-də də yanğın təhlükəsizliyi ilə bağlı müşavirə keçirmişdir

Fövqəladə Hallar Nazirliyi Bakı Regional Mərkəzi (BRM) noyabr ayının 22-də Nizami Rayon İcra Hakimiyyətində (RİH) yanğın təhlükəsizliyi ilə bağlı müşavirə keçirmişdir.

RİH-nin aidiyyəti əməkdaşlarının, müvafiq rayon idarə və təşkilatlarının, təhsil müəssisələrinin rəhbərlərinin iştirak etdiyi müşavirədə çıxış edən Nizami RİH-nin başçısı Tahir Budaqov və BRM-i rəisinin müavini tibb xidməti polkovniki Cəfər Məmmədov tədbirin əhəmiyyətindən və xüsusilə, payız-qış mövsümündə baş verən yanğın-partlayış hadisələrindən bəhs etmiş, bu hallarla mübarizə yollarını vurğulamışlar. Bundan əlavə, dəm qazından zəhərlənmə halları və onların qarşısının alınmasında maarifləndirmə işinin zəruriliyi qeyd olunmuşdur.

Müşavirədə “Fövqəladə Hallar Nazirliyinin fəaliyyət istiqamətləri və struktur bölmələri”, “Yanğının başvermə səbəbləri və yanğın zamanı hərəkət qaydaları”, “Yanğın təhlükəsizliyinin problemləri və onların həlli yolları”, “Rayon ərazisində yanğın mühafizəsi problemləri və həlli yolları”, “Rayonda enerji təchizatının mövcud vəziyyəti, problemlər və həlli yolları”, “Rayonda qaz təsərrüfatının mövcud vəziyyəti, problemlər və həlli yolları”, “Yaşayış binalarında yanğın təhlükəsizliyinin vəziyyəti”, “Yanğın zamanı ilkin tibbi yardım” mövzularında mühazirələr tədbir iştirakçılarının nəzərinə çatdırılmışdır.

Müşavirənin gedişində Fövqəladə Hallar Nazirliyi haqqında və yanğın təhlükəsizliyi ilə bağlı video materiallar da nümayiş olunmuşdur.

 

Digər məlumatlar

FHN-in Gəncə Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Gəncə Regional Mərkəzi 8 noyabr 2018-ci il tarixində Gəncə şəhəri M. Mehdizadə adına 4 nömrəli məktəbin kollektivi ilə “Fövqəladə hallarla bağlı davranış qaydaları ” mövzusunda maarifləndirmə tədbiri keçirmişdir. ...

Ardını oxu

FHN-in Bakı Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Bakı Regional Mərkəzi 8 noyabr tarixində Pirallahı rayonundakı 231 nömrəli orta məktəbdə “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzi 7 noyabr 2018-ci il tarixində Sabirabad rayonu, Çölbeşdəli kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu