Geri

Sahil nəzarəti məntəqəsində yanğından mühafizə üzrə təlim-kurs keçirilmişdir

Fövqəladə Hallar Nazirliyi Bakı Regional Mərkəzi ilə Azərbaycan Respublikası Dövlət Sərhəd Xidmətinin Sahil Mühafizəsi arasında imzalanmış qarşılıqlı fəaliyyət planına əsasən noyabr ayının 15-də Sahil Mühafizəsinin şəxsi heyəti ilə Novxanı Sahil nəzarəti məntəqəsində yanğından mühafizə üzrə təlim-kurs keçirilmişdir.

Təlim-kurs Novxanı Sahil nəzarəti məntəqəsində yanğın təhlükəsizliyi tələblərinə riayət edilməsinin vəziyyəti ilə tanışlıqla başlamış və müvafiq tövsiyə və təlimatlar verilmişdir.

Təlim nöqtələrinə baxış keçirildikdən sonra cəlb olunan şəxsi heyətin ümumi düzülüşü və təhlükəsizlik qaydaları üzrə təlimatlandırılması həyata keçirilmiş və təlimin başlanması barədə siqnal verilmişdir.

Əvvəlcə, elektrik xətlərindəki qısaqapanma nəticəsində yanğın baş verməsi barədə məntəqə rəisinə məruzə olunmuşdur. Məruzədən sonra məntəqə rəisinin əmrinə əsasən “101” və “112” xidmətlərinə məlumat verilmiş, xidməti sənədlərin təxliyyəsinə başlanılmışdır.

Dövlət Yanğından Mühafizə Xidmətinin (DYMX) əməkdaşları hadisə yerinə gələnə qədər Dövlət Sərhəd Xidmətinin Sahil Mühafizəsinin əməkdaşları yanğının məhdudlaşdırılması və söndürülməsi üzrə fəaliyyətə başlamış, DYMX-nin Sumqayıt Dövlət Yanğından Mühafizə Hissəsinin əməkdaşlarının hadisə yerinə gəlməsi ilə yanğının tam söndürülməsi üzrə fəaliyyət yerinə yetirilmişdir.

Yanğının söndürülməsi ilə yanaşı, FHN Bakı Regional Mərkəzinin Xüsusi xilasetmə xidmətinin xilasediciləri tərəfindən yanğından zərər çəkmiş şəxs hadisə yerindən çıxarılmış, ona FHN Tibb Xidməti Tibb mərkəzinin əməkdaşları tərəfindən ilkin tibbi yardım göstərilmiş və aidiyyəti üzrə tibb müəssisəsinə təxliyyə edilmişdir.

Hadisə rayonunda açılmış əməliyyat qərargahının növbətçisi tərəfindən Regional Mərkəz rəisinə mütəmadi olaraq əməliyat şəraiti barədə məruzələr edilmişdir.

Yanğının tam söndürülməsi ilə təlim-kursa yekun vurulmuşdur.

Sonda təlim-kursun ümumi təhlili aparılmışdır.

Digər məlumatlar

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 13 iyul 2018-ci il tarixində FHN-in regionda fəaliyyət göstərən digər qurumları ilə birgə Mingəçevir şəhər Telekommunikasiya Qovşağının kollektivi ilə "Fövqəladə hallarla bağlı davranış qaydaları" mövzusunda maarifləndirmə tədbiri keçirmişdir. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 2018-ci il iyul ayının 10-dan 12-dək “Pambıqçılığın yanğın təhlükəsizliyi” mövzusunda Biləsuvar, Neftçala və Salyan rayonlarında yanğına qarşı təbliğat işləri və müvafiq maarifləndirmə tədbirləri keçirmiş, ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, Xidmət tərəfindən bu məqsədlə hazırlanmış yaddaş......

Ardını oxu

Qəbələdə FHN əməkdaşlarının beşnövçülük üzrə respublika çempionatına yekun vurulmuşdur

İyulun 12-də Fövqəladə Hallar Nazirliyinin İdman-sağlamlıq klubunun və FHN İşçilərinin Həmkarlar İttifaqının birgə təşkilatçılığı ilə Azərbaycan Xalq Cümhuriyyətinin 100 illik yubileyi münasibəti ilə Mülki Müdafiə Qoşunlarının Qəbələ rayonundakı “N” saylı hərbi hissəsində beşnövçülük üzrə respublika çempionatına yekun vurulmuşdur. Yarışda nazirliyinin müxtəlif qurumlarını təmsil edən 16 komandanın......

Ardını oxu