Geri

Maarifləndirmə tədbirləri davam etdirilir

Fövqəladə Hallar Nazirliyinin Qarabağ Regional Mərkəzi Beyləqan şəhəri Təbiət və humanitar fənlər üzrə liseyində ”Həyatının təhlükəsizliyi sənin öz əlindədir” mövzusunda maarifləndirmə tədbiri keçirmişdir.

Mərkəz əməkdaşları iştirakçılara Fövqəladə Hallar Nazirliyi və Qarabağ Regional Mərkəzinin fəaliyyət istiqamətləri barədə ətraflı məlumatlar vermiş, onlara “Fövqəladə halların təsnifatı”, “Fövqəladə hallar zamanı mülki müdafiə tədbirləri”, “Qeyri-standart elektrik, qaz və maye sobalarının istifadəsi zamanı baş verə biləcək bədbəxt hadisələrin qarşısının alınması”, “112” zəng mərkəzinə müraciət qaydaları” mövzularında məruzələr etmişlər. Qarşılıqlı fikir mübadiləsi aparıldıqdan sonra kollektivi maraqlandıran suallar cavablandırılmışdır.

Daha sonra təhsil müəssisəsində baş verə biləcək yanğın hadisələrinin qarşısının alınması məqsədi ilə regional mərkəz əməkdaşları mövcud inzibati və yardımçı binaların elektrik təsərrüfatına baxış keçirmişlər. Yanğına səbəb ola biləcək faktların aradan qaldırılması vasitələrindən söhbət açılmış, lisey rəhbərliyinə bununla bağlı təkliflər verilmişdir.

Təbliğat xarakterli tədbirdə rayon Təhsil şöbəsinin əməkdaşları da iştirak etmişlər.

Digər məlumatlar

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 13 iyul 2018-ci il tarixində FHN-in regionda fəaliyyət göstərən digər qurumları ilə birgə Mingəçevir şəhər Telekommunikasiya Qovşağının kollektivi ilə "Fövqəladə hallarla bağlı davranış qaydaları" mövzusunda maarifləndirmə tədbiri keçirmişdir. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 2018-ci il iyul ayının 10-dan 12-dək “Pambıqçılığın yanğın təhlükəsizliyi” mövzusunda Biləsuvar, Neftçala və Salyan rayonlarında yanğına qarşı təbliğat işləri və müvafiq maarifləndirmə tədbirləri keçirmiş, ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, Xidmət tərəfindən bu məqsədlə hazırlanmış yaddaş......

Ardını oxu

Qəbələdə FHN əməkdaşlarının beşnövçülük üzrə respublika çempionatına yekun vurulmuşdur

İyulun 12-də Fövqəladə Hallar Nazirliyinin İdman-sağlamlıq klubunun və FHN İşçilərinin Həmkarlar İttifaqının birgə təşkilatçılığı ilə Azərbaycan Xalq Cümhuriyyətinin 100 illik yubileyi münasibəti ilə Mülki Müdafiə Qoşunlarının Qəbələ rayonundakı “N” saylı hərbi hissəsində beşnövçülük üzrə respublika çempionatına yekun vurulmuşdur. Yarışda nazirliyinin müxtəlif qurumlarını təmsil edən 16 komandanın......

Ardını oxu