Geri

FHN yay çimərlik mövsümünə hazırlıq çərçivəsində Bakı Şəhəri Rayon İcra Hakimiyyətləri ilə birgə maarifləndirmə tədbirlərini davam etdirir

2011-ci il iyul ayının 6-da FHN Bakı Regional Mərkəzi Suraxanı Rayon İcra Hakimiyyəti ilə birgə “Su hövzələrində insanların təhlükəsizliyinin təmin edilməsi” mövzusunda növbəti müşavirə keçirmişdir.

Tədbirdə Suraxanı Rayon İcra Hakimiyyəti başçısının aparatının məsul işçiləri, rayon təşkilatlarının, rayonun dənizkənarı ərazisində yerləşən çimərliklərdə fəaliyyət göstərən təşkilat və obyektlərin rəhbərləri iştirak etmişlər.

Müşavirədə Azərbaycan Respublikası Nazirlər Kabinetinin 1998-ci il 22 oktyabr tarixli 216 nömrəli qərarı ilə qüvvəyə minmiş “Su obyektlərindən istirahət və idman üçün istifadə qaydaları haqqında Əsasnamə”də nəzərdə tutulan vəzifələr, cari yay mövsümündə əhalinin istirahəti üçün lazımi şəraitin yaradılması və bədbəxt hadisələrin qarşısının alınması istiqamətində qarşıda duran məsələlər müzakirə edilmişdir.

Müşavirədə FHN-nin Bakı Regional Mərkəzinin rəis müavini-tibb xidməti polkovniki Cəfər Məmmədov “Fövqəladə Hallar Nazirliyinin fəaliyyət istiqamətləri və onun struktur bölmələri”, Bakı Regional Mərkəzinin Operativ reaksiyavermə və əməliyyat planlaşdırma idarəsinin operativ məlumat şöbəsinin rəisi-idarə rəisinin müavini polkovnik-leytenant Vaqif Teymurov “Su obyektlərindən istirahət və idman üçün istifadə qaydaları”, FHN Dövlət Sularda Xilasetmə Xidmətinin təbliğat və təşkilat sektorunun müdiri Mənsur Piriyev “Dövlət Sularda Xilasetmə Xidmətinin fəaliyyət istiqamətləri, yay çimərlik mövsümündə vətəndaşların təhlükəsizliyinin təmin olunması qaydaları” mövzularında çıxış edərək müşavirə iştirakçılarına zəruri nəzəri məlumatları çatdırmış və praktik tövsiyələr vermişlər. Suraxanı Rayon Mənzil Kommunal Təsərrüfat Birliyinin rəisi Mais Məmmədov “Yay mövsümü ərzində əhalinin mənalı istirahətinin təşkili məqsədilə çimərlik sahələrində görülən işlər”, Bakı Şəhər 11 saylı Təcili Tibi Yardım Stansiyasının baş həkimi Kamran Həsənli “Çimərlik sahələrində əhaliyə tibbi xidmətin göstərilməsi”, Suraxanı Rayon İcra Hakimiyyətinin Hövsan qəsəbə nümayəndəsi Ağasəlim Əliyev “Çimərliklərin yay mövsümünə hazır olmasının vəziyyət və çimərliklərdə görülən işlər” və Suraxanı Rayon Gigiyena və Epidemiologiya Mərkəzinin direktoru Züleyxa Səmədova “Çimərlik dəniz suyunun təmizlik vəziyyəti” mövzusunda çıxış edərək dəniz suyunun vəziyyəti, bakterioloji çirklənməyə məruz qalan suyun insan üçün nə qədər təhlükəli olması və bu sahədə aparılmalı olan kompleks tədbirlər barədə tədbir iştirakçılarını məlumatlandırmışlar. 

Digər məlumatlar

FHN-in Şimal-qərb Regional Mərkəzində mülki müdafiə kursları keçirilib

Fövqəladə Hallar Nazirliyinin Şimal-qərb Regional Mərkəzində “2019-cu il üçün Mülki müdafiə kurslarının dinləyicilərlə komplektləşdirmə planı”na əsasən, 19-21 avqust 2019-cu il tarixlərində “Hərbiləşdirilməmiş Mülki müdafə dəstələrinin komandir rəis heyətinin mülki müdafiə və fövqəladə hadisələrdən mühafizəsi üsullarının hazırlanılması” proqramı əsasında kəşfiyyat manqa komandirləri kateqoriyası üzrə mülki müdafiə kursları......

Ardını oxu

FHN-in Muğan Regional Mərkəzi maarifləndirmə tədbiri keçirib

Fövqəladə Hallar Nazirliyinin Muğan Regional Mərkəzi 21 avqust 2019-cu il tarixində Sabirabad rayon Yol İstismar idarəsində “Fövqəladə hallarla bağlı davranış qaydaları” mövzusunda maarifləndirmə tədbiri keçirib. ...

Ardını oxu

Maarifləndirmə tədbirləri davam edir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi 21 avqust  2019-cu il tarixində Ağstafa rayonunda yerləşən “Akkord Tekstil” MMC-də, Qarabağ regional......

Ardını oxu