Geri

FHN Bakı RM yay çimərlik mövsümünə hazırlıq çərçivəsində silsilə maarifləndirmə tədbirlərini davam etdirir

2011-ci il iyun ayının 29-da Səbail Rayon İcra Hakimiyyəti ilə birgə “Su hövzələrində insanların təhlükəsizliyinin təmin edilməsi” mövzusunda müşavirə keçirilmişdir.

Tədbirdə Səbail Rayon İcra Hakimiyyəti başçısının aparatının məsul işçiləri, rayon təşkilatlarının, Səbail rayonunun dənizkənarı ərazisində yerləşən çimərliklərdə fəaliyyət göstərən təşkilat və obyektlərin rəhbərləri iştirak etmişlər.

Müşavirədə Azərbaycan Respublikası Nazirlər Kabinetinin 1998-ci il 22 oktyabr tarixli 216 nömrəli qərarı ilə qüvvəyə minmiş “Su obyektlərindən istirahət və idman üçün istifadə qaydaları haqqında Əsasnamə”də nəzərdə tutulan vəzifələr, cari yay mövsümündə əhalinin istirahəti üçün lazımi şəraitin yaradılması və bədbəxt hadisələrin qarşısının alınması istiqamətində qarşıda duran məsələlər müzakirə edilmişdir.

Müşavirədə FHN-nin Bakı Regional Mərkəzinin rəis müavini-tibb xidməti polkovniki Cəfər Məmmədov “Fövqəladə Hallar Nazirliyinin fəaliyyət istiqamətləri və onun struktur bölmələri”, Bakı Regional Mərkəzinin Operativ reaksiyavermə və əməliyyat planlaşdırma idarəsinin operativ məlumat şöbəsinin rəisi-idarə rəisinin müavini polkovnik-leytenant Vaqif Teymurov “Su obyektlərindən istirahət və idman üçün istifadə qaydaları”, FHN Dövlət Sularda Xilasetmə Xidmətinin təbliğat və təşkilat sektorunun müdiri Mənsur Piriyev “Dövlət Sularda Xilasetmə Xidmətinin fəaliyyət istiqamətləri, yay çimərlik mövsümündə vətəndaşların təhlükəsizliyinin təmin olunması qaydaları” mövzularında çıxış edərək müşavirə iştirakçılarına zəruri nəzəri məlumatları çatdırmış və praktik tövsiyələr vermişlər. Səbail Rayon Mənzil Kommunal Təsərrüfat Birliyinin rəisi Elbrus Əhmədov “Yay mövsümü ərzində əhalinin mənalı istirahətinin təşkili məqsədilə çimərlik sahələrində görülən işlər”, Bakı Şəhər 3 saylı Təcili Tibbi Yardım Stansiyasının müdiri Əhməd Cəfərov “Çimərlik sahələrində əhaliyə tibbi xidmətin göstərilməsi”, Səbail rayonu Gigiyena və Epidemiologiya Mərkəzinin direktoru Sara Həsənova “Çimərlik dəniz suyunun təmizlik vəziyyəti”, “Min bir Gecə” çimərliyinin nümayəndəsi Daşdəmir Qəmbərov Çimərliklərin yay mövsümünə hazır olmasının vəziyyət və çimərliklərdə görülən işlər”, Səbail rayon 8-ci Polis bölməsinin polis baş leytenantı Ədalət Məmmədov isə “Çimərliklərdə ictimai asayişin qorunmasının təşkil olunması və vəziyyəti” mövzularında çıxış edərək rayonun çimərlik mövsümünə hazırlıq vəziyyəti haqqında məlumat vermiş və vətəndaşların dənizkənarı kütləvi istirahət yerlərində mümkün bədbəxt hadisələrin qarşısının alınması üçün tədbirlər görüldüyünə müşavirə iştirakçılarını əmin etmişlər.

Digər məlumatlar

FHN-in Aran Regional Mərkəzi maarifləndirmə tədbiri keçirib

6 dekabr 2019-cu il tarixində Fövqəladə Hallar Nazirliyinin Aran Regional Mərkəzi Ucar rayon 5 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

Dövlət Yanğın Nəzarəti Xidməti maarifləndirmə tədbirlərini davam etdirir

6 dekabr 2019-cu il tarixində FHN-in Dövlət Yanğın Nəzarəti Xidmətinin 2-ci ərazi Dövlət Yanğın Nəzarəti İdarəsi Nəsimi rayon 18 nömrəli Uşaq bağçasında, Gəncə regional Dövlət Yanğın Nəzarəti İdarəsi “Aqroservis” ASC-nin Şəmkir regional ...

Ardını oxu

FHN-in Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib

5 dekabr 2019-cu il tarixində Fövqəladə Hallar Nazirliyinin Dövlət Yanğın Nəzarəti Xidmətinin İctimai Obyektlərə Nəzarət Sektoru Nərimanov rayon Dövlət Yanğından Mühafizə Hissəsinin əməkdaşları ilə birlikdə Bakı şəhərində keçiriləcək budo idman döyüş ...

Ardını oxu