Geri

“Cəsurlar” gərgin mübarizədə

Hər il keçirilən ənənəvi “Cəsurlar” hərbi-idman və turizm yarışları bu il aprelin 22-23–də Fövqəladə Hallar, Gənclər və İdman, Müdafiə, Təhsil, Mədəniyyət və Turizm nazirliklərinin, KHVTİC Respublika Şurasının birgə təşkilatçılığı ilə yenidən Cəmşid Naxçıvanski adına hərbi liseydə keçirildi. Yarışın keçirilməsində məqsəd yeniyetmələrin hərbi vətənpərvərlik tərbiyəsi işinin daha da gücləndirilməsi, orta məktəb şagirdlərinin hərbi idman oyunlarına cəlb edilməsi, onların ordu sıralarında və Fövqəladə Hallar Nazirliyinin hərbi və xüsusi birləşmələrində  xidmətə hazırlanması  və turizm hərəkatının  inkişaf etdirilməsindən  ibarət idi.

Yarış iştirakçıları mərasimdən əvvəl ümummilli lider Heydər Əliyevin məzarını ziyarət edərək abidəsi önünə əklillər qoydular. Sonra Şəhidlər xiyabanında uyuyan soydaşlarımızın məzarları ziyarət olundu.

"Azərbaycanın güclü ordusunun  yaradılması üçün maddi - texniki baza ilə yanaşı savadlı və ixtisaslı zabitlər də lazımdır" fikirlərini söyləmiş ulu öndər Heydər Əliyev yeniyetmə vətənpərvərlərin gələcəyin savadlı zabitləri kimi yetişməsi üçün hərbi liseyin yaradılmasının vacibliyini vurğulamışdır. 1971-ci ildə indi "Cəmşid Naxçıvanski adına hərbi lisey" adlandırılan xüsusiləşdirilmiş hərbi orta məktəbin təsis edilməsi və 1973-cü ildə ona ümumrespublika statusunun verilməsi bu yolda atılan ən mühüm addım oldu. Bura yalnız hərbi təhsil ocağı deyil, həm də hərbi-idman oyunları və təntənəli hərbi mərasimlərin keçirilmə yeridir. Elə bu səbəbdən də "Cəsurlar" hərbi-idman və turizm yarışlarının respublika finalı hər il Cəmşid Naxçıvanski adına hərbi liseydə keçirilir.

Yarış iştirakçıları ilk olaraq C. Naxçıvanskinin büstü önünə gül dəstələri qoydular.

Yarışda Abşeron, Ağcabədi, Astara, Balakən, Binəqədi(Bakı şəhəri), Culfa, Göy-göl, Goranboy, Hacıqabul, İsmayıllı, Nəsimi(Bakı şəhəri), Neftçala, Suraxanı(Bakı şəhəri), Şahbuz, Şabran, Yevlax, Zaqatala, Zərdab rayonlarının və Gəncə şəhərinin komandaları iştirak edirdilər.

Tədbir Azərbaycan Respublikasının Dövlət himni ilə başladı. Bundan sonra təşkilatçılar  yarışın keçirilməsi barədə çıxışlar etdilər.

Açılış mərasimində yarışların komandanı, C.Naxçıvanski adına hərbi liseyin rəisi, general-mayor Mirzə Almasov, Gənclər və idman nazirinin müavini İntiqam Babayev, Təhsil nazirinin müavini Elmar Qasımov, FHN Bakı Regional Mərkəzinin rəisinin birinci müavini polkovnik Kamil Bağırov nitq söyləyərək iştirakçılara uğurlar arzuladılar.

FHN Bakı Regional Mərkəzinin rəisinin birinci müavini polkovnik K. Bağırov öz çıxışında yarışın əhəmiyyətindən və vacibliyindən danışdı. Respublikada bu oyunlara marağın artmasını konkret faktlarla dilə gətirən polkovnik K.Bağırov belə tədbirlərdə ədalətlilik prinsiplərinin daima qorunduğunu vurğuladı. Çıxışında onu da bildirdi ki, yarışın ən vacib prinsiplərindən biri də təhlükəsizliyin təmin olunmasıdır. Belə ki, hər bir iştirakçı ilk öncə özünün, ətrafında olan komanda yoldaşlarının təhlükəsizliyini təmin etməlidir.

Komandalar təntənəli marşla mahnı sədaları altında tribuna önündən keçdilər. Daha sonra komandalar sıra hazırlığı mərhələsində öz bacarıqlarını nümayiş etdirdilər.

Hava küləkli olmasına baxmayaraq yarış gərgin və güzəştsiz mübarizə şəraitində keçdi. Maneələrin dəf olunması, sədlərin keçilməsi kimi normativlərlə zəngin olan yarışın ən maraqlı və çətin mərhələlərindən biri fövqəladə hallar və mülki müdafiə sahəsini əhatə edən 8-ci mərhələ - zəhərli zonanın dəf olunması və 9-cu mərhələ - yaralının zəhərli zonadan çıxarılması mərhələləri idi.

"Cəsurlar" hərbi-idman və turizm yarışlarının respublika finalında Nəsimi rayonu 1-ci, İsmayıllı rayonu 2-ci, Culfa rayonu 3-cü yerə layiq görüldü. Bu komandalara yarışın sonunda qiymətli hədiyyələr, mülki müdafiə sahəsini əhatə edən mərhələlərdə fərqləndiklərinə görə Yevlax rayonunun komandasına xüsusi mükafat təqdim olundu.

Digər məlumatlar

FHN-in Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi 21 fevral 2020-ci il tarixində Mingəçevir şəhər 12 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

21 fevral 2020-ci il tarixində FHN-in Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsi Tərtər rayon Xoruzlu kəndində yerləşən “Vəkiloğlu” MMC-də, Qarabağ regional Dövlət Yanğın Nəzarəti İdarəsi Ağcabədi rayon Aran ...

Ardını oxu

FHN-in qurumları arasında çoxnövçülük idmanı üzrə çempionat keçirilib

19-21 fevral 2020-ci il tarixində Respublika Olimpiya Mərkəzində Fövqəladə Hallar Nazirliyi işçilərinin Həmkarlar İttifaqı və İdman-sağlamlıq Mərkəzinin birgə təşkilatçılığı ilə Nazirliyin qurumları arasında çoxnövçülük idmanı üzrə çempionat keçirilib....

Ardını oxu