Geri

“Fövqəladə hallar zamanı özünü necə aparmalı”

Azərbaycan Respublikası Fövqəladə Hallar Nazirliyinin Fövqəladə Halların xəbərdar edilməsi Baş idarəsi və İctimaiyyətlə əlaqə idarəsinin əməkdaşları 15 fevral 2011-ci il tarixində Bakı şəhəri, Yasamal rayonunun 20 saylı orta məktəbində “Fövqəladə hallar zamani özünü necə aparmalı” mövzusunda maarifləndirici tədbir keçirmişlər. Tədbirdə Dövlət Yanğın Nəzarəti Xidməti, Xüsusi Riskli Xilasetmə Xidməti və Dövlət Sularda Xilasetmə Xidmətinin əməkdaşları, Respublika uşaq təşkilatının rəhbəri, millət vəkili Gülər Əhmədova, 20 saylı orta məktəbin şagirdləri və müəllim kollektivi, Fövqəladə Hallar Nazirliyinin əməkdaşları iştirak etmişlər.

Tədbirin məqsədi məktəbliləri təbii və texnogen xarakterli fövqəladə hallar barədə maarifləndirmək və respublikamızda baş verə biləcək hər hansı bir fövqəladə hal zamanı davranış qaydalarını onlara öyrətməkdir.

Tədbirdə yanğın zamanı zəruri hərəkətlər və yanğınsöndürmə avadanlıqlarından istifadə yolları, təbii və texnogen xarakterli fövqəladə hal baş verdikdə əhalinin xilas edilməsi, çimərlikdə təhlükəsizlik qaydaları, suda boğulana ilk tibbi yardımın göstərilməsi ilə bağlı çıxışlar olmuşdu. Uşaqların nəzərinə çatdırılmışdır ki, hər hansı bir fövqəladə hal baş verdikdə şəhərdaxili telefonlardan və ya bütün növ mobil operatorlardan “112” qaynar xəttinə zəng edə bilərlər. Qaynar xətt 24 saat daima fəaliyyət göstərir.

Tədbirdə iştirak edən Respublika Uşaq təşkilatının sədri, millət vəkili Gülər Əhmədova yol qəzaları zamanı uşaqların psixikasına mənfi təsir edən amillər barədə danışdı.

Tədbirin sonunda şagirdlərə Nazirlik tərəfindən hazırlanmış “Fövqəladə Hallarda Təhlükəsizlik: özünə və başqalarına kömək etməyi bacar” adlı kitablar paylanılmış və qeyd olunmuşdu ki, maarifləndirmə tədbirləri Fövqəladə Hallar Nazirliyinin qurumları tərəfindən davamlı olaraq respublikamızın müxtəlif şəhər və rayonlarında keçiriləcəkdir.

Digər məlumatlar

Regional Mərkəzlərdə maarifləndirmə tədbirləri davam edir

Fövqəladə Hallar Nazirliyinin Cənub Regional Mərkəzi Yardımlı rayon Anzov kənd tam orta məktəbində, Gəncə Regional Mərkəzi Samux rayonu Lək kənd tam orta məktəbində, Şimal Regional Mərkəzi Quba rayonu Qımıl kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 18 sentyabr 2019-cu il tarixində Bakı şəhərində yerləşən “Paradise” oteldə, Aran regional Dövlət Yanğın Nəzarəti İdarəsi......

Ardını oxu

FHN-in Qarabağ Regional Mərkəzi maarifləndirmə tədbiri keçirib

Fövqəladə Hallar Nazirliyinin Qarabağ Regional Mərkəzi 17 sentyabr 2019-cu il tarixində Tərtər rayonu Bəyimsarov kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirib. Qarabağ Regoinal Mərkəzinin və rayon Təhsil Şöbəsinin nümayəndələri, məktəbin müəllim-şagird kollektivi iştirak etdiyi tədbirdə məqsəd, şagirdlərin baş verə biləcək fövqəladə hadisələr zamanı davranış......

Ardını oxu