Geri

“Bakı məktəbləri müsabiqəyə hazırlaşır”

FHN-nin Bakı Regional Mərkəzində Fövqəladə Hallar Naziri general-polkovnik Kəmaləddin Heydərovun 2010-cu il 16 dekabr tarixli, 134 saylı “Fövqəladə hallar uşaqların gözü ilə” uşaq yaradıcılıq müsabiqəsi haqqında” Əmrinin həyata keçirilməsi istiqamətində ardıcıl iş aparılır.

Ötən vaxt ərzində Mərkəzdə Müsabiqənin keçirilməsi üzrə Qərargah yaradılmış, Bakı şəhəri üzrə Təhsil İdarəsi ilə birgə Təşkilat Komitəsi və Münsiflər Heyəti təşkil olunmuş, fəaliyyət planı tərtib edilmişdır. Müsabiqənin keçirilməsi ilə bağlı Bakı şəhəri üzrə Təhsil İdarəsinin Məktəbdənkənar təhsil sektoru ilə işgüzar münasibətlər qurulmuşdur.

“Fövqəladə hallar uşaqların gözü ilə” uşaq yaradıcılıq müsabiqəsinin məzmunlu və yüksək təşkilati səviyyədə keçirilməsini təmin etmək məqsədilə 2011-ci il yanvar ayının 25-də Binəqədi rayonunun 276 nömrəli orta məktəbində Bakı şəhəri məktəb direktorlarının müşavirəsi keçirildi. 300-dən artıq orta məktəb direktoru və dərsdənkənar təhsil müəssisəsi rəhbərlərinin iştirak etdiyi müşavirəni giriş sözü ilə açan Bakı şəhəri üzrə Təhsil İdarəsinin rəis müavini Məhəmməd Bayramov tədbirin mahiyyətindən danışdı və müsabiqə ilə bağlı qəbul olunmuş rəsmi sənədləri səsləndirdi.

FHN-nin Bakı Regional Mərkəz rəisinin birinci müavini polkovnik Kamil Bağırov müşavirə iştirakçılarına fövqəladə halların xəbərdar edilməsi və nəticələrinin aradan qaldırılması ilə bağlı paytaxt əhalisinin maarifləndirməsi və məlumatlandırması  sahəsində Mərkəzin apardığı işlər haqqında məlumat verdi. Natiq bu məsələlərdə təhsil müəssisələri ilə əməkdaşlığa xüsusi önəm verildiyini qeyd edərək, 2011-ci il üçün nəzərdə tutulmuş tədbirlərdən danışdı.

“Fövqəladə hallar uşaqların gözü ilə” uşaq yaradıcılıq müsabiqəsinin  uşaq və yeniyetmələrin bir vətəndaş kimi formalaşmasında oynayacağı mühüm roldan söhbət açan FHN-nin Bakı Regional Mərkəz rəisinin müavini Tale Şamçıyev müşavirə iştirakçılarını tədbirin keçirilmə planı və bu sahədə hər bir məktəb qarşısında duran vəzifələrlə tanış etdi.

Müşavirə  iştirakçılarına Bakı Regional Mərkəzində yaradılmış Müsabiqə Qərargahının elektron ünvanı və telefonları verildi və bildirildi ki, Qərargah müraciət edənlərə hər zaman Müsabiqə ilə bağlı istənilən yardımı göstərməyə hazırdır.

Müşavirənin sonunda müsabiqənin Bakı şəhərində yüksək səviyyədə keçiriləcəyinə qəti əminlik bildirildi.

Digər məlumatlar

FHN-in Dövlət Yanğın Nəzarəti Xidməti maarifləndirmə tədbirləri davam etdirir

10 dekabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Nəsimi rayonunda yerləşən “Caspian” otelində, Gəncə regional Dövlət Yanğın Nəzarəti İdarəsi Gəncə şəhər 2 nömrəli Peşə liseyində, Aran regional Dövlət Yanğın Nəzarəti...

Ardını oxu

FHN-in İdman-sağlamlıq mərkəzində maarifləndirmə tədbiri keçirilib

6 dekabr 2019-cu il tarixində Fövqəladə Hallar Nazirliyinin İdman-sağlamlıq mərkəzində məşqçi müəllim heyəti və tələbələrin valideynləri ilə birlikdə “Dövlətin idman siyasəti, idmana diqqət və qayğı, idmanın maddi-texniki bazasının möhkəmləndirilməsi istiqamətində mühüm işlərin aparılması,  idman bölmələrinin və məşqçi müəllimlərin fəaliyyəti” mövzusunda maarifləndirmə tədbiri keçirilib. ...

Ardını oxu

Maarifləndirmə tədbirləri davam etdirilir

9 dekabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Qaradağ rayonunda yerləşən “Karolina” otelində, Aran regional Dövlət Yanğın Nəzarəti İdarəsi......

Ardını oxu