Geri

Fövqəladə Hallar Nazirliyinin Akademiyasında 15 iyun – Milli Qurtuluş Gününə həsr olunmuş tədbir keçirilmişdir

14 iyun 2018-ci il tarixində Fövqəladə Hallar Nazirliyi Akademiyasının “Heydər Əliyev məktəbinin” lektoriyasında 15 iyun - Milli Qurtuluş Gününə həsr olunmuş tədbir keçirilmişdir. Lektoriyanın qonağı Milli Məclisin deputatı, siyasi elmlər doktoru, professor Elman Nəsirov olmuşdur.

Əvvəlcə, Akademiyanın həyətində ümummilli lider Heydər Əliyevin xatirəsinə ucaldılmış abidənin önünə gül dəstələri qoyulmuş, Dahi rəhbərin əziz xatirəsi ehtiramla yad edilmişdir.

Dövlət Himninin səslənməsi ilə başlanan tədbirdə çıxış edən Akademiyanın rəisi general-mayor Pənah Süleymanov bildirmişdir ki, Azərbaycanın çağdaş tarixi dahi siyasətçi, görkəmli dövlət xadimi Heydər Əliyevin adı və fəaliyyəti ilə bağlıdır. Müasir Azərbaycan dövlətinin qurucusu Heydər Əliyev bəşəriyyətin yetişdirdiyi böyük tarixi şəxsiyyətdir.

1993-cü ilin 15 iyun – Milli Qurtuluş Günü sadəcə təqvim bayramı deyil, böyük ictimai-siyasi və tarixi əhəmiyyətə malik bir gündür. 15 iyun əsl qurtuluş, Azərbaycan xalqının ölüm-dirim mübarizəsinin tarixidir. Bu tarixi yaradan isə Azərbaycanın tərəqqisində, müstəqilliyində, gələcəyində müstəsna rol oynamış, daim xalqına arxalanan və xalqına arxa, dayaq olan ulu öndər Heydər Əliyevdir.

Heydər Əliyev rəhbərliyinin bütün mərhələlərində Azərbaycan xalqına sonsuz məhəbbət və sədaqət hissi, qurub–yaratmaq amalı ilə yaşamışdır. Özünün zəngin və mənalı həyatı boyu daim xalqını, doğma vətənini düşünmüş, onu üzləşdiyi çətinliklərdən xilas etmək üçün fədakarlıqlar göstərmişdir.

Tədbirdə çıxış edən Milli Məclisin deputatı Elman Nəsirov ümummilli lider Heydər Əliyevin həyat və fəaliyyətindən, xalqın təkidli tələbi ilə ikinci dəfə  hakimiyyətə qayıdışından, Azərbaycanın müstəqilliyinin qorunub saxlanılmasında xalqımızın gələcəyi naminə həyata keçirdiyi siyasi–iqtisadi islahatlardan və misilsiz xidmətlərindən söhbət açmışdır. Qeyd etmişdir ki, Azərbaycan əsası ulu öndər Heydər Əliyev tərəfindən qoyulan uğurlu daxili və xarici siyasət sayəsində Prezident İlham Əliyevin rəhbərliyi altında böyük inkişaf yolu keçmiş, tərəqqi əldə etmişdir.

Tədbirin sonunda ulu öndər Heydər Əliyevin həyat və fəaliyyətinə həsr olunmuş sənədli film nümayiş olunmuşdur. 

Digər məlumatlar

FHN beynəlxalq xilasetmə əməliyyatlarının əlaqələndirilməsi üzrə qərargah məşqi keçirmişdir

17-18 yanvar 2019-cu il tarixlərində Fövqəladə Hallar Nazirliynin Mülki müdafiə  qoşunlarında “Beynəlxalq axtarış-xilasetmə dəstəsinin zəlzələ nəticəsində zərərçəkmiş ölkədə axtarış-xilasetmə tədbirlərində iştirakı” mövzusunda qərargah məşqi keçirilmişdir....

Ardını oxu

FHN-in Bakı Regional Mərkəzi növbəti maarifləndirmə tədbirini keçirmişdir

FHN-in Bakı Regional Mərkəzi 23 yanvar 2019-cu il tarixində Nəsimi rayonundakı 54 nömrəli orta məktəbdə “Fövqəladə hallarla bağlı davranış qaydaları” mövzusunda növbəti maarifləndirmə tədbiri keçirmişdir....

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 22 yanvar 2019-cu il tarixində Qusar rayonu Qaratoba tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda  növbəti  maarifləndirmə tədbiri keçirmişdir. ...

Ardını oxu