Geri

FHN-in Muğan Regional Mərkəzi rayon müşavirəsi keçirmişdir

Fövqəladə Hallar Nazirliyinin Muğan Regional Mərkəzi Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidməti ilə birgə Sabirabad rayon İcra Hakimiyyətində “2018-ci ilin yay çimərlik mövsümündə su hövzələrində insanların təhlükəsizliyinin təmin olunması istiqamətində birgə fəaliyyətin təşkili” mövzusunda rayon müşavirəsi keçirmişdir.

Tədbirdə Muğan Regional Mərkəzinin əməkdaşları, Sabirabad rayon İcra Hakimiyyəti başçısının birinci müavini - rayon Fövqəladə hallar komissiyasının sədri və Komissiyanın üzvləri, ərazi icra nümayəndələri, bələdiyyə sədrləri, Təhsil şöbəsinin rəhbər işçiləri, Sabirabad rayon Gigiyena və Epidemiologiya Mərkəzinin və rayon hüquq-mühafizə orqanlarının məsul şəxsləri iştirak etmişdir.

Müşavirədə çıxış edən Sabirabad rayon İcra Hakimiyyəti başçısının birinci müavini, rayon fövqəladə hallar komissiyasının sədri Həsən Həsənov müzakirə ediləcək məsələlərin aktuallığını vurğulamış və keçirilən tədbirin əhəmiyyətindən danışmışdır.

Çıxış edən natiqlər Fövqəladə Hallar Nazirliyi tərəfindən respublikamızda fövqəladə halların qarşısının alınması və nəticələrinin aradan qaldırılması sahəsində görülən işlər, Muğan Regional Mərkəzinin əhatə etdiyi xidməti ərazidə fövqəladə hallarla mübarizə sahəsində həyata keçirilən tədbirlər barədə məlumat vermişdir.

Tədbirdə, həmçinin Sabirabad rayonu ərazisində mövcud olan su hövzələri ətrafında aparılan monitorinqlərin nəticələrindən, qarşıya çıxan problemlərin aradan qaldırılmasında yerli icra strukturları ilə qarşılıqlı fəaliyyətin əhəmiyyətindən söhbət açılmış, maarifçilik işlərinin vacibliyi vurğulanmışdır.

Sonda tədbir iştirakçılarına təbliğat materialları paylanılmışdır.

Digər məlumatlar

FHN-in Şimal Regional Mərkəzi seminar- müşavirə keçirmişdir

Fövqəladə Hallar Nazirliyinin Şimal Regional Mərkəzi 15 avqust 2018-ci il tarixində Qusar rayon Telekommunikasiya Qovşağında “Fövqəladə hallarla bağlı davranış və yanğın təhlükəsizliyi qaydaları” mövzusunda seminar- müşavirə keçirmişdir....

Ardını oxu

FHN-in Cənub Regional Mərkəzi “dəyirmi masa” keçirmişdir

Fövqəladə Hallar Nazirliyinin Cənub Regional Mərkəzi tərəfindən 15 avqust 2018-ci il tarixində “Azəriqaz” İstehsalat Birliyinin Lənkəran Regional Qaz İstismar İdarəsində FHN-in regionda fəaliyyət göstərən digər qurumları ilə birgə “Fövqəladə halların qarşısının alınması və nəticələrinin aradan qaldırılması sahəsində Cənub Regional Mərkəzi ilə yerli qurumlar arasında qarşılıqlı fəaliyyətin......

Ardını oxu

FHN-in Şimal-qərb Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal-qərb Regional Mərkəzi tərəfindən Şimal-qərb Regional Dövlət Yanğın Nəzarəti İdarəsinin, Şəki rayon Dövlət Yanğından Mühafizə Hissəsinin əməkdaşlarının iştirakı ilə 14 avqust 2018-ci il tarixində Şəki rayon Kiçik Dəhnə kənd Xəstəxanasında “Fövqəladə hallarla bağlı davranış qaydaları” mövzusunda maarifləndirmə tədbiri keçirilmişdir. Tədbirə xəstəxananın tibbi heyəti......

Ardını oxu