Geri

FHN-in Dövlət Yanğın Nəzarəti Xidməti ticarət və əyləncə mərkəzlərinin yanğın təhlükəsizliyini daim nəzarətdə saxlayır

FHN-in Dövlət Yanğın Nəzarəti Xidməti son zamanlar xarici ölkələrdəki ticarət və əyləncə mərkəzlərində baş vermiş yanğın hadisələri barədə geniş təhlillər aparır və bununla bağlı qabaqlayıcı tədbirlər həyata keçirir.

Belə ki, aprel ayıın 13-də FHN-in Dövlət Yanğın Nəzarəti Xidmətinin rəisi daxili xidmət general-mayoru İsrayıl Əliyevin dəvəti ilə Xidmətdə “Sədərək”, “Binə” “Laçın”, “Xalqlar Dostluğu”, “8 km. Bazarı” ASC-nin, “Bakıxanov”,  “Meyvəli”, “Riyad” ticarət mərkəzlərinin və “Moskva” univermağının rəhbərləri ilə görüş keçirilmişdir. Görüşdə, xarici ölkələrdəki dəhşətli yanğın hadisələrinin respublikamızda təkrar olunmaması, ümumilikdə isə insanların kütləvi şəkildə toplaşdıqları məkanların yanğın təhlükəsizliyinin təmin edilməsi müzakirə edilmişdir. Xidmət rəisi ticarət və əyləncə mərkəzlərində yanğına qarşı tələblərə toxunaraq, yanğından müdafiə sistemlərinin işlək vəziyyədə olmasının vacibliyini diqqətə çatdırmışdır. Yanğından müdafiə sistemlərinə mütəmadi olaraq texniki qulluğun göstərilməsinin və daima nəzarətdə saxlanılmasının vacibliyini deyən Xidmət rəisi ehtiyat çıxış qapılarının bağlanmasının yolverilməz olduğunu xüsusilə bəyan edilmişdir. Eyni zamanda, obyektlərdə mövcud olan yanğın su təchizatı, ilkin odsöndürmə vasitələri, kinozallara və əyləncə sahələrinə daha mütəşəkkil qaydada nəzarətin aparılması, tüstü bacalarının təmizlənməsi (kafe, restoran və s.), elektrik təchizatı, işçilərin təlimatlandırılması, təlimlərin keçirilməsi və digər məsələlərə də toxunulmuşdur.

Görüşdə, gələcəkdə qarşılıqlı fəaliyyətin aparılmasının, yaranmış sualların peşəkarlar tərəfindən cavablandırılmasının, işçilərlə maarifləndirmə tədbirlərinin birgə həyata keçirilməsinin əhəmiyyəti də vurğulanmışdır.

Digər məlumatlar

FHN-in Bakı Regional Mərkəzi nümunəvi dərs keçirib

Fövqəladə Hallar Nazirliyinin Bakı Regional Mərkəzi 21 fevral 2019-cu il tarixində fövqəladə halların qarşısının alınması və nəticələrinin aradan qaldırılması üzrə fəaliyyətlərin təkmilləşdirilməsi istiqamətində Azərbaycan Memarlıq və İnşaat ...

Ardını oxu

FHN-in Baş Əməliyyat İdarəsi ilə Qarabağ Regional Mərkəzi birgə seminar-müşavirə keçirib

Fövqəladə Hallar Nazirliyinin Baş əməliyyat idarəsinin və Qarabağ Regional Mərkəzinin  birgə təşkilatçılığı ilə 21 fevral 2019-cu il tarixində Ağcabədi rayon İcra Hakimiyyətində “Fövqəladə Hallar Nazirliyinin qurumları ilə Ağcabədi rayon yerli ...

Ardını oxu

FHN-in Bakı Regional Mərkəzi maarifləndirmə tədbiri keçirib

Fövqəladə Hallar Nazirliyinin Bakı Regional Mərkəzi 21 fevral 2019-cu il tarixində Səbail rayonundakı 7 nömrəli orta məktəbdə “Fövqəladə hallarla bağlı davranış qaydaları” mövzusunda növbəti maarifləndirmə tədbiri keçirib....

Ardını oxu