Geri

Heydər Əliyev Beynəlxalq Aeroportunda nəzəri-praktiki seminar keçirilmişdir

Fövqəladə Hallar Nazirliyinin Dövlət Yanğından Mühafizə Xidməti 2017-ci il dekabrın 27-də Heydər Əliyev Beynəlxalq Aeroportunun Aviasiya Təhlükəsizliyi İdarəsinin Yanğın Təhlükəsizliyi və Qəza-Xilasetmə İşləri Xidməti ilə birgə nəzəri-praktiki seminar keçirmişdir. Tədbir müəssisə və təşkilatlara məxsus könüllü və idarədənkənar yanğından mühafizə bölmələri ilə qarşılıqlı əməkdaşlığı inkişaf etdirmək məqsədilə keçirilmişdir.

Dünya Azərbaycanlılarının Həmrəylik Günü və Yeni il  ərəfəsində Heydər Əliyev Beynəlxalq Aeroportunda keçirilən  nəzəri-praktiki seminarda hava limanının  Aviasiya Təhlükəsizliyi İdarəsinin Yanğın Təhlükəsizliyi və Qəza-Xilasetmə İşləri Xidmətinin rəisi Azad Səmədov insanların kütləvi toplaşdığı mühüm əhəmiyyətli obyektlərdə, o cümlədən hava limanında baş verə biləcək fövqəladə hadisələrin, xüsusilə də yanğınların qarşısının alınması üçün düzgün qərarların qəbul edilməsi üçün FHN-in Dövlət Yanğından Mühafizə Xidməti ilə Heydər Əliyev Beynəlxalq Aeroportunun Yanğın Təhlükəsizliyi və Qəza-Xilasetmə İşləri Xidməti arasında qarşılıqlı fəaliyyətin vacibliyini vurğulamışdır. O, müvafiq xidmətlərin qarşılıqlı fəaliyyətinin əlaqələndirilməsinin zəruriliyndən söz açaraq qarşıda duran vəzifələrdən danışmışdır.

FHN-in Dövlət Yanğından Mühafizə Xidmətinin müvafiq qurumlarının əməkdaşlarının iştirak etdiyi nəzəri-praktiki seminarda şəxsi heyətin və yanğınsöndürmə vasitələrinin hava limanında yanğınların söndürülməsinə cəlbolunma qaydaları, yanğın avtomobillərinin və avadanlıqlarının səmərəli istifadəsi, yanğınsöndürmə maddələrini, onların verilməsi qayda və üsulları, yanğınların söndürülməsi üçün qüvvə və vasitələrin hesablanması metodları və onların yerləşdirilməsi prinsipləri, radiorabitə vasitələrindən istifadə qaydaları haqqında nəzəri və praktiki bilgilər verilmişdir.  

Təyyarədə yanğın zamanı uçuş-enmə zolağında insanların xilas edilməsi, yaranmış şəraiti nəzərə alaraq döyüş hərəkətlərinin həlledici istiqamətlərinin müəyyən olunması, fuzelyajın içində yanğının söndürülməsi üçün lazımi qüvvə və vasitələrin miqdarının düzgün hesablanması və onlardan səmərəli istifadə olunması, həmçinin dağılmış yanacağın söndürülməsi ilə bağlı bilgilər də seminar iştirakçılarının diqqətinə çatdırılmışdır.

Seminar iştirakçıları, həmçinin Heydər Əliyev Beynəlxalq Aeroportunun ərazisi, onun  əməliyyat-taktiki xüsusiyyətləri, mövcud rabitə vasitələri, su təchizati, həmçinin hava limanının bina və tikililərindəki tikinti konstruksiyalarının yanğın təhlükəliliyi və obyektin digər mühüm əhəmiyyətli xüsusiyyətləri ilə bağlı bilgilərlə məlumatlandırılmışlar.

Digər məlumatlar

FHN-in Bakı Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Bakı Regional Mərkəzi 19 iyul tarixində 7 nömrəli Uşaq Yoluxucu Xəstəliklər Xəstəxanasında “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Cənub Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Cənub Regional Mərkəzi 18 iyul 2018-ci il tarixində Lənkəran Şəhər İcra Hakimiyyəti Başçısının Liman şəhər inzibati ərazi dairəsi üzrə nümayəndəliyində FHN-in regionda fəaliyyət göstərən digər qurumları ilə birgə “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 18 iyul 2018-ci il tarixində Abşeron rayon ərazisində yerləşən istirahət mərkəzlərində və parklarda “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə və təbliğat tədbirləri həyata keçirmişdir. ...

Ardını oxu