Geri

FHN-in Dövlət Yanğından Mühafizə Xidməti işçilərinin Həmkarlar İttifaqı Komitəsində hesabat-seçki konfransı keçirilmişdir

12 sentyabr 2017-ci il tarixində Fövqəladə Hallar Nazirliyinin Dövlət Yanğından Mühafizə Xidməti işçilərinin Həmkarlar İttifaqı Komitəsində hesabat-seçki konfransı keçirilmişdir.

İlk olaraq Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov çıxış edərək hesabat-seçki konfransının işini açıq elan etmiş, rəhbərlik etdiyi ittifaq və görülmüş işlər haqqında məlumat vermişdir.

Mehman İsmayılov çıxışı zamanı komitə üzvlərinə iş zamanı əməyin texniki təhlükəsizliyi qaydalarına əməl etmələri barədə öz tövsiyyələrini vermiş, DYMX əməkdaşlarının əməyini yüksək qiymətləndirmiş, son günlər Qəbələ rayonu ərazisində və qonşu Gürcüstan respublikasında baş vermiş meşə yanğınlarının söndürülməsində göstərdikləri peşəkarlığı yüksək dəyərləndirmiş və çıxışının sonunda konfransın işinə uğurlar arzulamışdır.

Dövlət Yanğından Mühafizə Xidməti işçilərinin Həmkarlar İttifaqı Komitəsinin sədri, Dövlət Yanğından Mühafizə Xidmətinin rəis müavini, daxili xidmət polkovniki  Rasim Kərimovun  geniş hesabat məruzəsi dinlənilmişdir.

Natiq bildirmişdir ki, hesabat dövrü Dövlət Yanğından Mühafizə Xidməti işçilərinin Həmkarlar İttifaqı Komitəsi fəaliyyətini Azərbaycan Respublikası Prezidentinin Fərman və Sərəncamları, Fövqəladə Hallar Nazirliyi işçilərinin Həmkarlar İttifaqının qərar, göstəriş və tövsiyələrini üzvlər arasında təbliğ edilməsi əsasında qurmuşdur. Həmçinin, komitə tarixi və əlamətdar günlərin, ictimai-siyasi bayramların, milli adət ənənələrimizin təbliğinə həsr olunmuş tədbirlərin keçirilməsi, işçilərin ad günlərinin keçirilməsi, sosial vəziyyətləri aşağı olan əməkdaşlara maddi və mənəvi köməklik göstərilməsi, işçilərin sağlamlıqlarının qorunması, asudə vaxtlarının səmərəli keçirilməsində bütün səy və bacarığını əsirgəməmişdir.

Konfransın sonunda, Fövqəladə Hallar Nazirliyi Dövlət Yanğından Mühafizə Xidmətinin rəisi daxili xidmət general-mayoru Füzuli Əsədov çıxış edərək, həmkarlar ittifaqının zəruriliyi barədə söhbət açmışdır.

Konfransda Dövlət Yanğından Mühafizə Xidməti işçilərinin Həmkarlar İttifaqı Komitəsinin sədri Rasim Kərimov yenidən sədr seçilmişdir.

Digər məlumatlar

Gəncədə “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirilmişdir

Azərbaycan Respublikası Fövqəladə Hallar Nazirliyi işçilərinin Həmkarlar İttifaqı ümummilli lider Heydər Əliyevin anadan olmasının 95 illiyi və Azərbaycan Silahlı Qüvvələrinin yaradılmasının 100 illiyi münasibətilə 22 iyun 2018-ci il tarixində Fövqəladə Hallar Nazirliyinin Gəncə Regional Mərkəzində “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirmişdir....

Ardını oxu

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu