Geri

FHN-in Sumqayıt Regional Mərkəzi Kiçikhəcmli Gəmilərə Nəzarət və Sularda Xilasetmə Dövlət Xidməti ilə birgə müşavirə keçirmişdir

Fövqəladə Hallar Nazirliyinin Sumqayıt Regional Mərkəzi 19 may 2017-ci il tarixində FHN Kiçikhəcmli Gəmilərə Nəzarət və Sularda Xilasetmə Dövlət Xidməti ilə birgə Sumqayıt Şəhər İcra Hakimiyyətinin təşkilatçılığı ilə Sumqayıt Dövlət Dram Teatrında “Su hövzələrində təhlükəsizliyin təşkil olunması istiqamətində birgə fəaliyyətin təşkili” mövzusunda şəhər müşavirəsi keçirmişdir.

Müşavirədə Sumqayıt Regional Mərkəzinin, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Sumqayıt Şəhər İcra Hakimiyyətinin, yerli icra orqanlarının, bələdiyyələrin nümayəndələri, çimərliklərə məsul şəxslər iştirak etmişdir.

Müşavirəni giriş sözü ilə açan Sumqayıt Şəhər İcra Hakimiyyəti başçısının birinci müavini Faiq Kərimov su hövzələrində insanların təhlükəsiz istirahətinin təmin olunmasının vacibliyini vurğulamışdır.

Keçirilən müşavirədə çimərliklərin vəziyyəti, dəniz suyunun gigiyenik normalara uyğunluğu, məişət tullantılarının daşınması ilə bağlı mövcud olan problemlər, eləcə də əhalinin təhlükəsiz istirahətinin təmin edilməsi üçün görüləcək işlər müzakirə olunmuşdur.

Müşavirədə şəhər ərazisində olan çimərliklərdə keçirilən monitorinqin nəticələri və mövcud olan vəziyyət barədə tədbir iştirakçıları məlumatlandırılmış, mövcud problemlər təhlil olunmuşdur.

Daha sonra çıxış edən natiqlər “Dövlət Sularda Xilasetmə Xidmətinin fəaliyyət istiqamətləri, yay çimərlik mövsümündə vətəndaşların təhlükəsizliyinin təmin olunması qaydaları”, “Yay mövsümü ərzində əhalinin istirahətinin təşkili məqsədilə çimərlik sahələrində görülən işlər”, “Çimərlik sahələrində əhaliyə tibbi xidmətin göstərilməsi”, “Çimərliklərdə dəniz suyunun təmizlik vəziyyəti”, “Çimərliklərdə ictimai asayişin qorunmasının təşkil olunması və vəziyyəti” mövzularında ətraflı məlumat vermişlər.

Sonda su hövzələrində təhlükəsizlik qaydaları ilə bağlı videoçarx nümayiş etdirilmişdir.

Digər məlumatlar

FHN-in Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzi 17 yanvar 2018-ci il tarixində Saatlı rayon 2 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Gəncə Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Gəncə Regional Mərkəzi 17 yanvar 2018-ci il tarixində Samux şəhər S.Əliyev adına 2 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

Azərbaycan FHN-in və Avstriyanın Federal Daxili İşlər Nazirliyinin Qəbələdə keçirdiyi növbəti birgə təlimlər başa çatmışdır

Azərbaycan Respublikasının Fövqəladə Hallar Nazirliyi və Avstriya Respublikasının Federal Daxili İşlər Nazirliyi arasındakı əməkdaşlıq çərçivəsində yanvarın 5-dən başlamış xizəksürmə texnikası və qar uçqunlarında axtarış-xilasetmə üzrə növbəti təlimlər yanvarın 14-də başa çatmışdır....

Ardını oxu