Geri

FHN-in Sumqayıt Regional Mərkəzi təlim keçirmişdir

17 fevral 2017-ci il tarixində Fövqəladə Hallar Nazirliyinin Sumqayıt Regional Mərkəzinin təşkilatçılığı ilə Sumqayıt Texnologiyalar Parkında “Baş verə biləcək fövqəladə hadisələrə çevik reaksiya verilməsi və xilasetmə işinin təşkili zamanı peşəkarlığın artırılması” mövzusunda təlim keçirilmişdir.

Təlimə Sumqayıt Regional Mərkəzinin, Sumqayıt şəhər Təcili və Təxirəsalınmaz Tibbi Yardım Stansiyasının, Texnologiyalar Parkının qüvvə və vasitələri cəlb edilmişdir.

Təlimin keçirilməsində əsas məqsəd Sumqayıt Regional Mərkəzin əhatə etdiyi ərazidə potensial təhlükəli obyektlərdə baş verə biləcək fövqəladə hadisə zamanı çevik reaksiya verilməsi və nəticələrin vaxtında aradan qaldırılması işini təşkil etməkdən ibarət olmuşdur.

Təlim zamanı şərti olaraq Abşeron yarımadasının cənubunda yerləşən Torağay dağı yaxınlığında 7.5 bal gücündə baş vermiş zəlzələ nəticəsində Sumqayıt Texnologiyalar Parkında istehsalat qəzaları və partlayış baş vermiş, partlayış nəticəsində Parkın ərazisində yanğınlar və uçqunlar olmuş, çoxlu sayda insan xəsarət almışdır.

Hadisə barəsində məlumat alan zaman, Sumqayıt Texnologiyalar Parkının mülki müdafiə qüvvələri, Sumqayıt Regional Mərkəzinin qüvvə və vasitələri hadisə yerinə cəlb olunmuşdur. Yaradılmış qərargaha daxil olmuş məlumatlara əsasən dərhal xilasetmə və yanğınsöndürmə əməliyyatlarına başlanılmış, ciddi xəsarət almış şəxslərə isə Sumqayıt şəhər Təcili və Təxirəsalınmaz Tibbi Yardım Stansiyasının əməkdaşları yardım göstərmişlər.

Uğurla keçən təlimin sonunda təlimin gedişatı qiymətləndirilmiş, nöqsanlar araşdırılmış və bunların gələcəkdə aradan qaldırılması üçün təkliflər verilmişdir.

Digər məlumatlar

Gəncədə “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirilmişdir

Azərbaycan Respublikası Fövqəladə Hallar Nazirliyi işçilərinin Həmkarlar İttifaqı ümummilli lider Heydər Əliyevin anadan olmasının 95 illiyi və Azərbaycan Silahlı Qüvvələrinin yaradılmasının 100 illiyi münasibətilə 22 iyun 2018-ci il tarixində Fövqəladə Hallar Nazirliyinin Gəncə Regional Mərkəzində “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirmişdir....

Ardını oxu

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu