Geri

Fövqəladə Hallar Nazirliyinin komandaları yeni qələbələr əldə edir

23-25 avqust 2019-cu il tarixlərində Türkiyənin Rizə şəhərində Karate üzrə Beynəlxalq turnir keçirilib. 12 ölkədən 1500-dən çox idmançının mübarizə apardığı yarışda iştirak edən Fövqəladə Hallar Nazirliyinin komandası İdman Sağlamlıq Mərkəzinin məşqçi müəllimi Coşqun Sadıqovun rəhbərliyi altında yüksək nəticələr göstəriblər.

Komandanın üzvü Hacıyeva Fatma 10 yaşlı idmançılar arasında -30 kq çəki dərəcəsində 5 döyüş keçirərək bütün rəqiblərinə qalib gəlib və qızıl medalın sahibi olub. Komandanın digər üzvü Səfərov Əli 10 yaşlı idmançılar arasında -30 kq çəki dərəcəsində 6 görüş keçirərək yarışın gümüş medalına layiq görülüb.

3 sentyabr 2019-cu il tarixində Fövqəladə Hallar Nazirliyinin İdman Sağlamlıq Mərkəzinin rəisi polkovnik Füzuli Musayev gənc idmançıları qəbul edərək, onları qazandıqları bu nəaliyyətlərə görə təbrik edib, gələcək yarışlarda müvəffəqiyyətlər arzulayıb.

Bundan əlavə, 23-24 avqust 2019-cu il tarixlərində Yaponiyanın Tokio şəhərində 52 ölkədən 750 idmançının qatldığı Karate-Do üzrə 14-cü Dünya çempionatı keçirilib. Bu çempionatda Fövqəladə Hallar Nazirliyinin komandası Karate-Do Federasiyasının rəhbəri, Fövqəladə Hallar Nazirliyinin Akademiyasının İdman qəza-xilasetmə kafedrasının rəisi 7-ci dan qara kəmər sahibi professor Əhməd Hətəmovun rəhbərliyi altında 3 idmançımızla -  65  kq çəki dərəcəsində İmran Quluzadə, -74 kq çəki dərəcəsində Mehman Eynalov və +75 kq çəki dərəcəsində Fuad Əliyevlə təmsil olunub.

İdmançılarımız dünya çempionatında millimizi uğurla təmsil edərək, +75 kq çəki dərəcəsində Fuad Əliyev çempionatın qızıl, -74 kq çəki dərəcəsində Mehman Eynalov isə gümüş medalına sahib olublar.

5 sentyabr 2019-cu il tarixində Fövqəladə Hallar Nazirliyinin İdman Sağlamlıq Mərkəzinin rəisi polkovnik Füzuli Musayev Yaponiyanın Tokio şəhərində Karate-Do üzrə dünya çempionatında fəxri pillələrə yüksəlmiş idmançıları qəbul edərək, onları qazandıqları bu nəaliyyətlərə görə təbrik edib, gələcək yarışlara müvəffəqiyyətlər arzulayıb.

Digər məlumatlar

FHN-in taekvondo komandasının idmançıları yeni uğurlar qazanmaqda davam edir

23-28 dekabr 2019-ci il tarixlərində Abşeron Olimpiya Kompleksində Azərbaycan Taekvondo Federasiyasının və Bakı Şəhər Gənclər və İdman Baş İdarəsinin təşkilatçılığı ilə yeniyetmə, gənc və böyüklər arasında 30-cu Azərbaycan çempionatı  keçirilib. 75 komandadan 750-dən çox idmançının mübarizə apardığı yarışda Fövqəladə Hallar Nazirliyinin taekvondo komandasının idmançıları da iştirak edib. ...

Ardını oxu

FHN İdman-sağlamlıq mərkəzinin rəisi Füzuli Musayev Dünya Şotokan Karate Federasiyası tərəfindən təltif olunub

22 dekabr 2019-cu il tarixində Dünya Şotokan Karate Federasiyasının (WSKF) Texniki komitəsinin qərarı ilə Avropa və Dünya çempionu Fövqəladə Hallar Nazirliyinin İdman-sağlamlıq mərkəzinin rəisi polkovnik Füzuli Musayev karatenin inkişafında xüsusi xidmətlərinə görə 8-ci dan (Şixan) qara kəmər dərəcəsinə layiq görülüb. ...

Ardını oxu

FHN-in İdman-sağlamlıq mərkəzinin idmançıları turnirdə mükafat qazanıblar

17-19 dekabr 2019-ci il tarixlərində Respublika Olimpiya İdman liseyində Azərbaycan Boks Federasiyasının və Bakı Şəhər Gənclər və İdman Baş İdarəsinin təşkilatçılığı ilə uşaqlar arasında Bakı açıq birinciliyi keçirilib. 15 komandadan 100-dən çox idmançının mübarizə apardığı yarışda Fövqəladə Hallar Nazirliyinin boks komandasının idmançıları da iştirak edib. ...

Ardını oxu