Geri

FHN-in İdman Sağlamlıq Mərkəzində FHN əməkdaşı olan çempionlarla görüş keçirilib

30 avqust 2019-cu il tarixində Fövqəladə Hallar Nazirliyinin İdman Sağlamlıq Mərkəzində Nazirliyin  Xüsusi Riskli Xilasetmə Xidmətinin, Dövlət Yanğından Mühafizə Xidmətinin və Tikintidə Təhlükəsizliyə Nəzarət Dövlət Agentliyinin beynəlxalq yarışlarda uğur qazanmış əməkdaşları ilə görüş keçirilib. Görüşdə Fövqəladə Hallar Nazirliyinin İdman Sağlamlıq Mərkəzinin rəisi polkovnik Füzuli Musayev həmin idmançıları- XRXX-nin N saylı hərbi hissəsinin xilasdicisi gizir Gözəl Zutovanı, DYMX-nin Nəsimi rayon N saylı bölməsinin yanğınsöndürəni çavuş Orxan Mehdiyevi və TTNDA-nın sürücüsü Şahmar Nəzərovu əldə etdikləri nailiyyətlər münasibətilə  görə təbrik edib, onlara gələcək yarışlarda müvəffəqiyyətlər arzulayıb.

Qeyd edək ki, Gözəl Zutova 15-17 mart tarixlərində Azərbaycanda keçirilmiş MMA üzrə Avropa Çempionatında çempion adını qazanıb, 5 iyun tarixində Bakı şəhərində təşkil edilmiş Qızıl kəmər uğrunda Beynəlxalq turnirdə ən yüksək pilləyə yüksəlib. O, həmçinin Sərbəst güləş üzrə Dünya kubokunun sahibi, MMA üzrə Avropa və Dünya çempionu, bir sıra beynəlxalq yarışların qalibidir.  Gözəl Zutova 18 avqust 2019-cu il tarixində Gürcüstanda keçirilmiş MMA üzrə Beynəlxalq turnirdə 75 kq çəki dərəcəsində çempion olub. İdmançımız oktyabr ayında Koreyada keçiriləcək Sambo üzrə Dünya Çempionatına hazırlaşır.

Orxan Mehdiyev  22-25 avqust  2019-cu il tarixində Rumıniyanın Konstanta şəhərində keçirilmiş Kung Fu Sanda üzrə Dünya Çempionatında 65 kq çəki dərəcəsində iştirak edərək fəxri kürsünün ən yüksək pilləsinə yüksəlib. O, həmçinin 2016-cı il Macarıstanda keçirilmiş Kempo idman növü üzrə yarışda Dünya Kubokunun, 2017-ci il tarixində Portuqaliyada keçirilmiş Döyüş Növlərinin Dünya Çempionatında Kung Fu Sanda idman növü üzrə gümüş medalın sahibi olub.  

Şahmar Nəzərov 2017-ci il tarixində Portuqaliyada keçirilmiş Döyüş Növlərinin Dünya Çempionatında Kung Fu Sanda idman növü üzrə dünya çempionu adını qazanıb, Rumıniyanın Konstanta şəhərində keçirilmiş yarışda isə bürünc medalın sahibi olub. Orxan Mehdiyev  və Şahmar Nəzərov noyabr ayında  İtaliyada keçiriləcək  MMA üzrə Dünya çempionatına hazırlaşırlar.

Digər məlumatlar

FHN-in İdman-sağlamlıq Mərkəzinin idmançısı Dünya kubokunda mükafat qazanıb

22-23 fevral 2020-ci il tarixində Gürcüstanın Tbilisi şəhərində Cüdo üzrə böyüklər arasında Dünya kuboku keçirilib. 14 ölkədən 200-dən çox idmançının mübarizə apardığı yarışda iştirak edən Fövqəladə Hallar Nazirliyinin İdman-sağlamlıq Mərkəzinin idmançısı Rövşən Səfərov Mərkəzin məşqçi müəllimi Fərid Ağakişiyevin rəhbərliyi altında yüksək nəticə göstərərək 90 kq çəki......

Ardını oxu

FHN-in qurumları arasında çoxnövçülük idmanı üzrə çempionat keçirilib

19-21 fevral 2020-ci il tarixində Respublika Olimpiya Mərkəzində Fövqəladə Hallar Nazirliyi işçilərinin Həmkarlar İttifaqı və İdman-sağlamlıq Mərkəzinin birgə təşkilatçılığı ilə Nazirliyin qurumları arasında çoxnövçülük idmanı üzrə çempionat keçirilib....

Ardını oxu

FHN-nin "Xilasedici" voleybol komandası turnirdə 4-cü qələbəsini qazanıb

8 fevral 2020-ci il tarixində Fövqəladə Hallar Nazirliyi İdman-sağlamlıq Mərkəzinin idman arenasında Azərbaycan Voleybol Federasiyasının təşkilatçılığı ilə kişilər arasında voleybol üzrə Azərbaycan Yüksək Liqasının növbəti turunun oyunu keçirilib. Oyunda "Xilasedici" və "Sərhədçi" komandaları üz-üzə gəliblər.  “Xilasedici” rəqibini asanlıqla məğlub edərək 3-0 (25:16, 25:17, 25:10) hesabı ilə......

Ardını oxu