Geri

FHN əməkdaşlarının beşnövçülük üzrə respublika çempionatına yekun vurulub

12 iyul 2019-cu il tarixində Fövqəladə Hallar Nazirliyinin İdman-sağlamlıq klubunun və FHN İşçilərinin Həmkarlar İttifaqının birgə təşkilatçılığı ilə Qəbələ şəhərində keçirilən Nazirlik əməkdaşları arasında beşnövçülük üzrə respublika çempionatına yekun vurulub. Yarışda FHN-in müxtəlif qurumlarını təmsil edən 18 komandanın 100-ə yaxın əməkdaşı iştirak edib.

8-12 iyul tarixlərində keçirilən yarışda idmançılar maneələr zolağı, turnikdə güc çalışmaları, atıcılıq, xilasetmə üzgüçülüyü və dağa dırmanma mərhələləri üzrə bacarığlarını nümayiş etdiriblər.

Komanda hesabında 1-ci yeri Kiçikhəcmli Gəmilərə Nəzarət və Sularda Xilasetmə Dövlət Xidməti, 2-ci yeri Dövlət Yanğından Mühafizə Xidməti, 3-cü yeri Xüsusi Riskli Xilasetmə Xidməti tutub.

Şəxsi nəticələrdə 1-ci yerə Mülkü Müdafiə Qoşunlarının əməkdaşı Muntəzir Əsgərov, 2-ci yerə FHN Akademiyasının əməkdaşı Elmir Əhədov, 3-cü yerə isə Tikintidə Təhlükəsizliyə Nəzarət və Dövlət Agentliyinin əməkdaşı Məmməd Cəfərzadə sahib olub

Mükafatlandırma mərasimində çıxış edən FHN işçilərinin Həmkarlar İttifaqının sədri Mehman İsmayılov və FHN-in İdman-sağlamlıq klubunun rəisi polkovnik Füzuli Musayev idmançıları təbrik edərək, ölkəmizdə hər il keçirilən və böyük marağa səbəb olan bu yarışın əhəmiyyətindən danışıb, idmanın inkişafına göstərilən dövlət qayğısından bəhs ediblər.

Sonda qaliblərə diplom, kubok, medallar və qiymətli hədiyyələr təqdim olunub.







Digər məlumatlar

FHN-in İdman-sağlamlıq Mərkəzinin idmançısı Dünya kubokunda mükafat qazanıb

22-23 fevral 2020-ci il tarixində Gürcüstanın Tbilisi şəhərində Cüdo üzrə böyüklər arasında Dünya kuboku keçirilib. 14 ölkədən 200-dən çox idmançının mübarizə apardığı yarışda iştirak edən Fövqəladə Hallar Nazirliyinin İdman-sağlamlıq Mərkəzinin idmançısı Rövşən Səfərov Mərkəzin məşqçi müəllimi Fərid Ağakişiyevin rəhbərliyi altında yüksək nəticə göstərərək 90 kq çəki......

Ardını oxu

FHN-in qurumları arasında çoxnövçülük idmanı üzrə çempionat keçirilib

19-21 fevral 2020-ci il tarixində Respublika Olimpiya Mərkəzində Fövqəladə Hallar Nazirliyi işçilərinin Həmkarlar İttifaqı və İdman-sağlamlıq Mərkəzinin birgə təşkilatçılığı ilə Nazirliyin qurumları arasında çoxnövçülük idmanı üzrə çempionat keçirilib....

Ardını oxu

FHN-nin "Xilasedici" voleybol komandası turnirdə 4-cü qələbəsini qazanıb

8 fevral 2020-ci il tarixində Fövqəladə Hallar Nazirliyi İdman-sağlamlıq Mərkəzinin idman arenasında Azərbaycan Voleybol Federasiyasının təşkilatçılığı ilə kişilər arasında voleybol üzrə Azərbaycan Yüksək Liqasının növbəti turunun oyunu keçirilib. Oyunda "Xilasedici" və "Sərhədçi" komandaları üz-üzə gəliblər.  “Xilasedici” rəqibini asanlıqla məğlub edərək 3-0 (25:16, 25:17, 25:10) hesabı ilə......

Ardını oxu