Fövqəladə hallarla bağlı davranış qaydaları

Qatarda yanğın

Geri
Qatarda yanğın baş veribsə:

- yanğın barədə dərhal bələdçini xəbərdar edin, “112” qaynar xəttinə məlumat verin;

- mümkündürsə, yanğını ilkin odsöndürücü vasitələr və ya hər hansı qalın parça materialı, su və s. ilə söndürməyə çalışın;

- küləyin alovu gücləndirməməsi üçün pəncərələri bağlayın;

- xəbərdar etmək və ya yanğını söndürmək mümkün olmadıqda, stop-kran vasitəsilə qatarı dayandırın;

- təşviş və çaxnaşma yaratmadan qatarın gedişi istiqamətində hərəkət edərək yanan vaqondan digərinə keçin;

- ağız və burnunuzu parça materialı ilə (dəsmal, şərf, paltar və s.) tutaraq tüstüdən qorunun; 

- qatar dayandıqdan sonra qapı və ya pəncərələr vasitəsilə onu tərk edin. Hərəkətdə olan qatardan tullanmaq təhlükəlidir!

- təxliyyə zamanı uşaqlara, ahıllara və köməyə ehtiyacı olan digər insanlara yardım edin.